اول مره اتابع ماتش من اوله لأخره
حاسس انى عملت انجاز والله
وانت عارف اهلاوي سايب ايدي : D
عن الماتش هو كان ماتش نص ملعب واضحه
ولان نص ملعب الزمالك مكنش متماسك
فا كانت النتيجة الطبيعية لصالح الاهلى
وعن الاهلى مستوى اللاعبين متميز
واحد زي احمد فتحي فرق كتير ف الماتش داا عن الماتشات السابقه له
وواحد زي عمرو جمال بيسجل مرتين ع التوالي وهو غايب عن التسجيل
دي بتديله دفعه وحافز اكتر عشان يبقى متميز مع انطوى وايفونا
وايفونا الراجع من اصابة بردوا كان محتاج فعلا
يبدأ سلسلة التسجيل ف الوصيف التقليدي للاحمر،،
عبدالله ورمضان مكنوش بنفس مستواهم اللى كانوا به مع انبي
ومؤمن اللى ضيع فرصتين محققين قدام الشناوى
دا فعلا عايز يتشد شويه وياريت نركز مع صالح جمعه والشيخ
ونص الملعب غالي وعاشور هما الوتد ف المكان داا
وعن المدافعين لا غبار عليهم هما دول فعلا المميزين
افضل من نجيب وحسين السيد وسعد ونتمنى يستفادوا كلهم من كل ماتش بيلعبوه
الدورى لسه فاضله النصف الاخر من الموسم ،،
وعن الزمالك شايف ان اقالة ميدو وحازم هى الافضل له حاليا
كان فيه اقاويل انه هيتولى القياده حسن شحاته وبعدها قالوا مدرب اجنبي
فا ربنا يكرم ويولي من يصلح بقى للفريق ،، والحج مرتضى المفروض كفايه عليه بقى كده
تسلم ي معلم لموضوعك
|