متلفش ودور على حلم
الحلم لوحده هيجيلك
كلك على بعضك اصلا حلم
والحلم منور قناديلك
شوف الطريق الصح فين
ودور ع الاشرينك
الحلم مش كفايا عليك
محتاج معاه حد يعينك
ومين يعين غير الرحيم
ويزين بالامل طريقك
مهو لو هتعيش على انك يوم
تفضل معاهم سندينك
متجيش فى مره تجيب اللوم
عليهم وليه سيبينك
الخطوه صعبه فى البدايه وسكتك
هتلاقى فيها يأس ودمع كسرنيك
وفى خطوه تانيه تدوق مراره بضحكتك
وفى خطوه تالته تلقى الا يفك تكشيرك
ويوم ما تتقدم خطوه لازم هتلقى
أعداء كتير مقتين عليك وحسدينك
واكيد فى يوم لما تنجح رحلتك
هتلاقى ناس غاليين اوى كرهينك
صدقنى الحلم سهل وكل الافيه
شويه سكك صعبه محتاجه تفكريك
ولو أول محنه فى ثانيه تقضى عليك
ايه الا يمنع انك تعيد بالخطوه تنظيمك
منتش ضعيف علشان حياتك تهزمك
ومنتش جبان عشان تسلم تراتيبك
هتلاقى ديما بكل سكه خيط صغير
وبكل خيط طلعه نهار مش هيسيبك
ومهما ليل الخوف الاعيبه تتغير
الفجر مهوش قليل من سجنو هيشيلك
أملك ضعيف طب وقلبك اتحير
قرب اوام من ربنا هو الاحبيبك
قاوم واقع وارجع اقف اكتى وعاند
حطم سلاسل يأس سجنينك
اخرج واقول للصعب انك مش ضعيف
وافتح بيبان الحزن للفرح يجريلك
الحزن اضعف من بسمه نسيت شكلها
على وشك الا مشاف غير دمعه عينك
ودا ياما مرت ع القلوب اوجاع
ومن الوجع هيطرح ورد بساتينك
متوقفش حلمك عشان شويه حاجات
تافهه وناس بايعه ومش عيزينك
حاول وأقووم ..... انسى الهموم
حاول محدش هيفيدك
سيبك من الايقول اخره سكتك
ضيقه وعتمه ونار وفيها تدميرك
سيبك دا ربك قال لكل مجتهد
نصيب وشايلك فى غيبه نصيبك
مين الاقال ان النهايه عتمه ونار
متسمعشى لناس غاويه تحطيمك