 مهما أغيب
انا مهما أغيب جنبك قريب
بقلبي بحبي بإحساسي
أنا من غيرك ببقى حد غريب
حتى لو بين أهلي وناسي
حبيتك واتمنيتك تبقي أحلا نصيب
حبك لوجودي بقى شرط أساسي
لو اشتاق القلم للحروف والمكاتيب
ما الاقيش غير صورتك ف كراسي
وانتي غايبة بفضل على وعدي أوفى حبيب
صعب يوم أبقى لحبك وحنانك ناسي
بتاخدك مني الأيام وما تودي بعدك ولا بتجيب
افتكر طيبتك وتحنن قلبي اللي قاسي
حنين قلبي ولهفة روحي دي مش مجرد أساليب
ده حب كبير شغل معاه كل حواسي
بعيدة قريبة قاسية طيبة ف شبابك ولحد المشيب
هفضل أحبك وحبك على عيني وراسي
لو كل عاشق يحب عشرة
لو مهما تهون عالناس العشرة
هيفضل حبي ليكي إنتي
وهعيش عليه ف الماضي والحاضر وبكرا
أنا مهما أغيب صعب حبي يغيب
قلبي اللي حبك بجد حبك صعب يقدر يوم يكره
|