منتديات بنات مصر - عرض مشاركة واحدة

fanaa · منذ /02-16-2016, 04:21 PM

كــانت بسيطه زى نجمه فى السما

كانت بتشبه طير .. بأحضان الشجر

زى النسيم الدافى.. فى حضن الهوى

زى الغيوم الصافيه فى ليله مطر

جوايا حب كبير يأمى ميتوصفش

وهوصف أيه قوليلى .. هوصف أيه أنا

وفين الكلام الا ممكن يختصر

حياه جميله وأبجديـــه حرفها

دا كفايا بس يا امى لما بنطق أمى

دا كل حاجه جميله فى ايديا ملكتها

يا حاجه منى بشبها ... وتشبهنى

يا ضحكه ورد ع الاغصان ... بتسحرنى

قوليلى بس أعملك أيه .... ويكفى

كل الحنان الا وهبتيه ... يا امى

سنين كتار .. وأنتى شيله همى حبيبتى

تبكى عينيكى أضعاف .. لو مره شفتى حزني

يأمى لو أعرف ... أد ايه عشقك جوايا

لكتبتهولك على السحاب حبيبتى بدمى

دا ياما شفتى كتير ... علشان تسعدينى

وقفتى جمبى فى وقت ضعفى وقوتينى

دأنا لما وعيت ع الدنيا دى وشفت صورتى

كـــانت أنعكاس فرحتك ... جوا عينى

جوايا حب كبير يا أمى عشانك

وحب ايه دا الا هيكفى حنانك

دا كفايا بس فى عز تعبى ألقى حضنك

وفى وقت خوفى حبيبتى .. القى أمانك

جوا عينك الحياه ... حاجه تانيه انا شفتها

شفت قلبى الامات جواكى انتى ب100 حياه

جوا عيونى .. زى الاميره هتلاقيكى

بهديكى روحى .. بكل حب مابين ايديكى

مش عاوزه حاجه غير فى حضنك تاخدينى

دأنا لما بس بحضنك .... كأنى فى الجنه

ويارب يا ملك السما والارض

ما تحرمنى .... لا سما ولاأرض

من الانفاس ... من الخطوه

من الضحكات ... من الضمه

ما تحرمنيش .... دعوتها

ويارب يا واهب ... الملكوت

دا ما يفرقنا ابدا موت

فى عز كلام ... وحزن سكوت

ما تحرمنى منها ...

16/2/2016
♥Aya♥