[شاعر الحب الحزين]

جايــــة الأيــــام ومـع الأيـــام كـل شـيء هيتغيــر

لو مش زماني لو مش مكاني هرضى ومش هتحير

هتعدي الأيام ما هي عدت وكبرتني ما سابتنيش صغير

بكرا اللي جرحته يسامحني واللي جرحني يصالحني

امسح بإيدي دمعتي وافتح بيبان وحدتي لكل كبير وصغير

عمري قد ما عدى عمري ما يئست من طول صبري

لسه ماشي قطري ف سكة في محطة الضحكة وقتها قصير

بكرا يرجع الحب اللي غايب وارجع اقابل اصحاب وحبايب

عالخير نتجمع أهل وقرايب وبالحب والمودة تتملي صفحات الدفتر

قد ما نقسى على بعض قد ما ترفعنا سما وتدفننا أرض

بنفضل بشر ملناش غير بعض وقت الشدة نلاقيهم جنبنا من غير ما نفكر

نزعل من بعض ماشي لكن نتصالح يبقى الحب فوق أي مصالح

ولو مهما كانت قسوة امبارح نرضى ونسامح ومنقولش خلاص الوقت اتأخر

جايــة الأيــام ومع الأيـام في رب ما بيغفل ولا بينام قادر يخلي كل شيء يتغير



شـــــــــــــــــــــــــــــــــــــ . حــــــــــــــــــــــــــــــــــــــــــــ