 كلمينـــي عنــــك
سلمى اتجوزت ليلى اتطلقت عليا وتهاني تشردوا عيالهم
خالي مسافر عمي راجع عمتي عيانة طب انا مالي ومالهم
كلميني عنك ده احنا بنتقابل كل فين وفين
انتي طول الوقت معاهم ومعايا يادوب ساعتين
أنا مش قناة الجزيرة كده عيشتينا ف حيرة واحنا أصلا مش في بالهم
دي أنتيمتي ودي قريبتي يا بختهم صاحباتك
لو كاسيت كان خلص وانتي مش بتخلص حكاياتك
عن الناس كل كلامها ده أنا ضايع قدامها ده مش ناقص غير إني اقابلهم
بص البنت دي لابسة إزاي شوف دي غلبانة إزاي
أيوة شايف بس سيبيني أشرب بقى كباية الشاي
تدوشني تروشني وف الاخر تقوللي هطلع ف التاكس اللي جاي
امشي ده انتي رخمة ومن حظي مفيش تاكس يرضى يوصلها وتلومني انا بدالهم
كلميني عنك لما كنتي صغيرة قبل ما تعرفي حد
ومتقوليش مش فاكرة حاولي تفتكري يا تسكتي وتسيبي عنيكي يتكلم جمالهم
المرة الجاية كلميني عنك ده أنا قلبي منك وبقابلك عشان اعرف اخبارك مش اعرف احوالهم
شــــــــــــــــــــــــــــــــــــــــــ . حــــــــــــــــــــــــــــــــــــــــــ
|