[Lamees]

كان ياما كان في قلب بريء صغير قلب صافي لكن يحير على قد طيبته كانت طبيعته مؤلمة بيأثر اوي حواليه وبينشر حب بيحمل مشاعر ولكنه بالألم شاعر جواه قلب موجوع وفي عينيه بقايا دموع لما انطفت كل الشموع ضلمت حياته وزادت كتير اهاته تعب ينزف من جراحه وللألم اسباب في ليله وفي صباحه يفتكر فراق الاحباب كان ياما كان في قلب بريء صغير عاش حياته في اسرته مدفي بيهم وهما كل جنته ابوه وامه واخوته داق الألم برحيل ابوه من دنيته حس وقتها ان الدنيا كرهته هو كمان كرها وعاش بحسرته فقد الأمل وكانت اكبر غلطته وكان كمان مش فاهم حتى حكمته بس كتير كانوا جمبه في شدته كانوا معاه كانوا كل ثروته رجع الأمل يدق تاني خلوته عاش بينهم وكمل معاهم سكته ومن نعمة ربه كانوا هما هديته قدروا حقيقي يخرجوه من محنته اطياف الماضي 2 \ 4 \ 2016