[صمتى كلام]

كان زمان عندى فانوس
...
مع ان ماكنش فى فلوس
...
كان رخيص بس لمايكون معايه
...
كنت اهيص ..
..
وكنت دايما اشكر ابوبا
..
واسمك ايد امى وابوس
...
كان زمان عندى فانوس
...
كان زمان كل الجيران طيبين
...
وكله عارف الواد ده ابن مين
...
كنت ادخل عند جارى كان يبتسم
...
والرغيف اللى معاهم كان يتقسم ..
...
وقت الغموس
...
كان زمان عندى فانوس
...
كان زمان فى شوراع من غير حراسة
...
وفى مدارس وفى مذاكرة وكراسة
...
دلوقتى الشوراع سوق نخاسه
...
والمدارس ملهى ليلى وفى رقاصه
...
والتعليم اصبح كابوس
...
كان زمان عندى فانوس
...
كان زمان عندى صحاب مالهاش مصالح
...
غير انى ابقى زيهم فالح وصالح
...
دلوقتى الصحبة فى السجاير والحشيش
...
ماتلاقيش دلوقتى صاحب من غير فلوس
...
كان زمان عندى فانوس
...
كان زمان الشعب واحد والرب واحد
...
وماكنش فينا حد جاحد وقلبة جامد
...
دلوقتى ليه الطيبه راحت والفرقة زادت
...
والقوى على الضعيف عمال يدوس
...
كان زمان عندى فانوس
...
كان زمان عندى فانوس وحلم صغير
..
انى لما اكبر هبدل واغير
...
وادينى كبرت وحلمى الجميل اصبح كابوس