[العاشق الذى لم يتب]

ياقلبى سيبك لاتقول حبيبى ولاحبيبك

وبلاش تشغل بالك وتغنى وتقول نصيبك

كبر دماغك وعيش متهنى

واكنس اللى جواك وارميه من الشباك

هتلاقى روحك مرتاح وماتحسبش اللى فى جيبك

هتنام الليل كله

ولا تفكر تتقلب على الجنبين

لايجيلك كوابس ولا تقطع فى شعورك

الدنيا تمطر ولا الجو يبرد

أنت نايم ومتغطى

وبنفس واكل ومتعشى

سيبك من الحب وبلاويه

ولا تقول حبيبى ولاحبيبك

هتلاقى دنيتك جميلة

وتبقى كبير العيلة

وتعرف راسك وخلاصك

وتحل المشبوك وأنت راسى

شوفت ازاى ياقلبى ارتحت

وأكلت وشبعت

ونمت وحلمت

وشربت واضحكت

كبر كبر

نام متهنى

سيبك من الحب وبلاويه

وخليك فاكر

اللى حبوه راحوا ليه

المستشفى وبقيوا مجانين

واللى سابوه عايشين مرتاحين

رفعت