[شاعر الحب الحزين]

على كيفك اتصرفي بس هتعرفي مع الأيام

إني حبيتك حب بجد مش بـس مجرد كـلام

عقلك بيصورلك قلبك بينورلك دربك في ظلام

إحساسي ناحيتك غير أي إحساس

نظرتي ليكي شايفــك بكـل النـــاس

ولا اللي يحس ويشوف مشاعره تنداس

واللي بيتسلى ف عنيكوا بيحلى وبتصدقوه أوام

لو في قلبك حب ومخبياه مش من مصلحتك

كده هفضل أداري ف حبي وهتفتكري إني جرحتك

طب ليه لما الدنيا تجرحك معايا بتلاقي راحتـك

مش هجبرك تحبيني بس لازم تفهميني من غير كلام

اسألي ذكرياتك وماضيكي اللي فاتك

اسألي كل حاجة حلوة كانت ف حياتك

اسألي إحساسك أهلك وناسك وصاحباتك

هتلاقي شيء يخصني ف كل إجابة يطلعك من جو الأوهام

وما تستغربيش كل شيء في الحب وارد

ما تسرحيش ويبقى قلبك وعقلك كده شارد

ده ياما الحب بيبقى قدامنا وندور بعيد ونعاند

وانا قدامك من زمان في قلبي حب وحنان يكفونا سنين قدام

صدقي حبيبك وبطلي أساليبك ده الحب نعمـة ومـش حــرام

مهما تفكري صعب تتصوري قد إيه بحبك وهتعرفي مع الأيـام



شـــــــــــــــــــــــــــــــــــــــــ . حــــــــــــــــــــــــــــــــــــــــــــ