[مارد الغضب]

دكتورنا حازم
انا عايز ابوسك
حتما ولازم
حعمل عزومة
و انا اللي حاكل
و انت اللي عازم
منسف سعودي
و معاه طواجن
غير اللوازم
ارم بدني
واشد عودي
من يوم و رايح
يوماتي لازم
تكون دبايح
مشوي ومحمر
و عيش مقمر
و لحوم شرايح
و الفول حفوته
و افرح في موته
سميني عيل
لو يوم وحشني
ولاّ اشتريته
بس العزايم
عايزة جماعة
من الكرايم
و مين حيبقي
في الزنقة حاتم
غيرك يا حازم
.
انت اللي قلت ان العزومة عليك