منذ /04-23-2016, 07:36 PM
|
#1 |
| الحلقة(54)من برنامج أجدد عضو ومعانا,,twitter man
أهلا وسهلا بأعضاء منتدانا الغالى
وحلقه جديدة مع عضو جديد
قبل الحوار أحب أقدم خالص أعتزارى للضيف
للتأخير فى تنزيل الحلقة وده لظروف طارئة مريت بيها
ودخلت النهاردة مخصوص عشان انزل الحوار
النهاردة معانا عضو جديد ومميز قدر فى فترة بسيطه
يلفت الانظار بمواضيعه المميزة ونقاشه عضو جديد اهلا وسهلا بيك نورت المنتدى والبرنامج
فى البداية احب اقولك ان النيم والصورة حلوين جدا
وحاجة مختلفة
ممكن اعرف سبب اختيارك ليهم؟
تويتر بالنسبه ليا من انجح الأفكار في السوشيال ميديا
بحكم انه بيدى فرصه للتواصل بشكل اسرع
وكمان التويته في جوهرها بتكون دسمه بالمعانى
فانا بعتبره مشروع فكرى قبل ما يكون استثمارى
وأسلوب حياه لو اطبق بشكل عملى
في واقعنا هيقل كلامنا وتكتر افعالنا .
ممكن تعرفنا عليك اكتر
اسمك twitter man
بلدك ومحل الإقامة القاهره
الوظيفة عمل خاص
الحالة الإجتماعية متزوج
الحكمة المفضلة عندك عامل الناس كما تحب ان يعاملوك
هل عندك قدوة او مثل اعلى تحب تيقى زيه بيعجبنى الدكتور مصطفى محمود
عرفت المنتدى ازاى؟ صدفه
سجلت على طول ولا تابعت فترة زائر؟ لا عادى سجلت على طول
لقيت ترحيب من الاعضاء وتفاعل فى مواضعيك؟ دا حقيقى
ايه رايك فى منتدى بنات مصر عموما؟ انا بميل للبساطه في كل حياتى ,,
وبساطة المنتدى هنا من غير تكليف
يمكن تكون السبب الأكبر في نجاحه
خصوصا لما لقيت ان في أعضاء مسجله
من 5 سنين و 6 سنين ودى فتره كبيره في عمر المنتديات دى حقيقة وملاحظة حضرتك فى محلها فعلا
والمنتدى هنا فيه روح أخوة وترابط صعب تلاقيهم فى مكان تانى
__________
لاحظت انك بتحب تكتب فى قلم الاعضاء مواضيع كلها قيمة
وتحمل فكر ورأى خاص
هل عندك هواية اخرى او ممكن نشوف ليك خواطر او نثر ادبى؟ ليه لآ - بس بحب اقرأها اكتر ما اكتبها يعنى
في كام حد انا متابع خواطرهم انتى واحده منهم
ده شرف كبير متابعة حضرتك
مين من الاعضاء لفت نظرك وبتابع مواضيعة؟
لو قصدك المواضيع النقاشيه او اللى فى قلم الأعضاء
فبصراحه بتشد اكتر للموضوع بصرف النظر عن الكاتب ..
اما الخواطر فممكن اتابع شخص معين لان احساسه عاجبنى
الاختلاف معاك فى الراى الى مدى ممكن تتقبله؟ طول في ادله عقلانيه مطروحه انا مكمل ومتقبل
هل بتسعى لاقناع الاخر بوجهة نظرك ولا بتعرضها فقط ولاتهتم؟ دا بيحصل في حالة ان النقاش مش فارق معايا او الشخص نفسه ,,
انما لو فارق معايا اللى بناقشه اكيد هحاول اكمل معاه
ونوصل لارضيه مشتركه عن لب الاختلاف المطروح
التعصب الى اى مدى مكن يؤثر على النقاش بين الاطراف؟ لو في الواقع ممكن يمسكوا في بعض
ولو في المنتدى الموضوع هيتقفل .
هل قابلتك مشاكل اثناء تصفح المنتدى او مع حد من الاعضاء؟ المنتدى خفيف واضح الاستضافه كويسه ,, بخصوص الأعضاء فاكيد لازم لما تكونى داخله مكان جديد
بيحصل سوء فهم سواء منك او من الغير
لحد مايحصل تقارب او تعارف فساعتها أمور كتير تضح
ويبدأ التفاهم يتواجد ويقل معاه سوء الفهم او الظن
ايه رايك فى تعامل الادارة والمشرفين مع الاعضاء؟ زى الفل
من اسمك اتوقع عندك حساب على تويتر اكيد عندى حساب بس انشغلت عنه فتره ,,
بس دا ميمنعشى حبى للفكره ذاتها
تفتكر ايه بيميز منتدى بنات مصر عن اى موقع تانى او مواقع التواصل؟ لفت نظرى التنوع اللى فيه ولسه بكتشف ايه باقى المميزات
كونت صداقات من الاعضاء ولا لسه؟ أمم للآسف لسه ,, بطئ انا
هل بتحب تشارك فى المسابقات؟ حلو جو المسابقات
عندك اى اقتراح تقدمة لتطوير المنتدى؟
keep it up
بشكرك على قبول الدعوة واتمنالك التوفيق انا اللى بشكرك على الآسئله
حسيت ان فيها حوار متبادل مش اسئله تقليديه شكرا ليك نورتنا وهنا تنتهى حلقتنا مع تويتر مان
بشكركم عل المتابعه واترك ليكم الترحيب بيه |
|
| |