السلام عليكم ورحمه الله
تحيه طيبه
زي ما فيه حواء جميله وروحها جميله وتشبه الورده
الذكيه فيه حواء مفتريه
وتعالوا نشوف
مفتريه ودايما نكديه طول النهار لسانها
زي المزمار علي الست وفاء
والست فكريه لابتحترم جيره
ولا تعرف العشره صبحها زي مساها
نكديه ال يشوفها من بعيد راجل ولا ست
يقول يارب سترك دي وليه مفتريه
ممكن تلهيك وال فيها تجيبه فيك
وعيونها شر ولاتعرف للخير طريق
وجوزها غلبان مسكين بيخاف
وما يقدر يقولها تلت التلاته كام
تزقه في الحيط وتقوله اتهد ونام
ولايمكن يقولها فين الطبخ يا وليه
يدخل بسلامته واكل عند مامته
وجاي خطوه ورا وخطوه قدام
ويقول اعوذ بالله من الشيطان
من النكديه بنت النكديه
وشورته سودا ال يقع معاها
تفرج عليه الحته
وتعلي صوتها بنت المفتريه
تشاكل طوب الارض
ولا يمها الكلام في العرض وباعلي صوت
تتكلم ولا حيا ولا خشا بنت المفتريه
هما حقيقي قليلين
وربنا يهدي المفتريه
وعجبي