[دمعه حائره]

أهلا وسهلا بأعضاء منتدى بنات مصر الغاليين وحلقه جديدة وعضوة جديدة نشيطة ومميزة فى الفتره اللى فاتت كان ليها مواضيع ومشاركات جميلة وتعاملها فى منتهى الاحترام مع الجميع Fagr Alislam عضو ذهبي اسمك ايه؟ فى البدايه احب اضع لمستى الغامضه هههه معك فجر يافندم انا كتير بحب الاسم ده ههههه ايه الاسم الحلو ده انا كده هافتكرك كل يوم الفجر بلدك ومحل الاقامه؟ مصر من شمال الصعيد بتدرسى ولاخصلتى؟ خلصت الحمد لله عندك اخوات قد ايه وترتيبك بينهم؟ احنا 5 وانا الترتيب الاخير مين مثلك الاعلى؟ أ/مصطفى حسنى الحكمة المفضله؟ الوحده خيـر مـن جلـيـس الـسوء عرفتى المنتدى ازى؟ كنت ببحث على منتديات للبنات وجوجل عرفنى عليه J فعجبنى فسجلت فيه تابعتى فترة ولاسجلتى على طول؟ سجلت علطووووووووول النيم بتاعك جميل جدا ممكن اعرف سبب الاختيار؟ انا بحب اللقب ده اوى وهو معايا من سنين وفجر تقريبا اسمى التانى على النت لقيتى ترحيب من الاعضاء؟ اه طبعا لقيت كتير اوى ولحد دلوقتى بيرحبوا بيا اول موضوع كتبتيه كان فى اى قسم؟ فى قسم الترحيب ايه اكتر قسم بيعجبك وبتشاركى فيه؟ القسم الاسلامى والاقسام الابداعيه مواضيعك فى الادبى فى منتهى الجمال هل ليكى هواياتك تانيه او مجالات اخرى فى الكتابه؟ شكرا حبيبتى ده انتى اللى جميله قصدك هوايات غير الكتابه وانا صغيره كنت بحب الرسم بس للاسف رسمى كان بشع ههه والكل ماكنش بيحب رسمى وكمان كنت بحب اقص الحاجات واحطها فى البوم بس بعد ماكبرت الهوايه الاكبر والاجباريه وهى شغل البيت نستنى كل ده بس الحمد لله مانستنيش الكتابه تعرفى انا كمان كنت برسم كده واحط رسوماتى فى كراسه انما شغل البيت هوايه ازاى بس ده طفشنا ههههه مين من المؤلفين والشعراء المشهورين بتحبى كتاباتهم؟ ربنا يرحمه كنت بحب الشاعر الابنودى وبحب اسمعه وهو بيقول اشعاره اى كلمه حلوه بحب اقراها وبحب اسمع الشكر اكتر من قرايته بتحبى المسابقات وايه رايك فى المسابقات هنا؟ اه طبعا بحب المسابقات جدا اكيد حلوه لانى بحب جوها والحماس اللى فيها مين من الاعضاء اللى بتابعى مواضيعهم؟ مافيش عضو محدد انا بحاول اقرا المواضيع كلها على قد ما اقدر كونتى صداقات ولا لسه؟ امممممم لا لسه خلاص نبقا صحاب انا اول صديقه اهو ايه رايك فى تعامل الاداره والمشرفي مع الاعضاء الجدد؟ اكيد حلوه مافيش شك فى كده هل قابلتك اى مشكله اثناء التصفح او مع اى اعضاء ؟ هى مش مشكله انا مش عاجبنى اكتب الموضوع وبعد يوم مايبقاش فى تعديل ده اللى مش عاجبنى لا ناس محترمه اوى هنا على فكره حكايه التعديل دى فى كل المنتديات كده ومدتها 24ساعه هنا افتكر معقوله عندك اقتراح او فكره مسابقه تساعد فى تنشيط المنتدى؟ انا شايفه ان التفاعل حلو وكبير هنا ويارب دايما فى تقدم علطول المنتدى بشكرك على قبول الدعوة واتمنالك التوفيق والاستمرار شكرا حبيبتى اتمنى اكون ضيفه خفيفه على الساده المشاهدين أكيد كنتى ضيفه جميلة واجاباتك رائعه نورتينا يافجر وبكده تنتهى الحلقه واشكركم على المتابعه واتركم للترحيب بضيفتنا