وسط الزحمة وئلة الحيلة
..
بيجى طيفك على بالنا يشاغلنا
..
غالية علينا وذكرى جميلة
..
مهما خدتنا الدنيا ومشاغلنا
..
ويشهد ربى عمرك ما نسيتك
..
ياعطر الورد فى سنينى ..
..
وبهرب من طيفى لطيفك
..
واترجاه وقولى خبينى
..
وباجى قصاد بابك كما الحجاج
..
واناجى روحك تناجينى
..
ونادى عيونك الزرقة ..واشكلهم
..
عن اللى حصلى لما سبتينى
..
وبدخل صفحتك هربان من وجعى
..
واقول لخواطرك تخبينى
..
وبصرخ مابين السطر والتانى
..
واقول لحروفك وحشتينى
..
واسمع همسك على سطورك
..
حروفك تسكن شرايينى
..
ونام بالعفاية عشان احلم
..
واقول فى الحلم هتجينى
..
وعاتب نفسى على بعدى
..
وبكره نفسى وسنينى
..
وازى مكنتش انا موجود
..
لما انتى احتاجتينى
..
وبصحى دموعى على خدى
..
وبدعى يارب تسامحينى
.
عادل يحيي