[ايمان طلعت]

السلام عليكم ورحمة الله وبركاته عالم الرجل عالم كبير غامض و اسرار قلبيه قل ان تخرج من القلب همسات رجل معانا النهاردة عضو خلوق صاحب قلم قوي وراقي ضيفنا النهاردة Dr.Abdullah عرفنا عن نفسك سريعاً؟ عبدالله.. من الشرقية 28 سنه دكتور بيطرى أعشق الكتابة وهى أكتر حاجة بلاقى نفسى فيها ما هي مواصفات شريك حياتك ؟ الحب والتفاهم المتبادل.. والأصل الطيب بعد كده كل حاجة سهله من يعشق قبل الاخر من وجهة نظرك القلب ولا العين؟ ولماذا؟ فى الغالب القلب بيعشق قبل العين عند المرأة والعين قبل القلب عند الرجل متى تشعر بالوحدة ؟ تقريبا على طول متى تكره المرآة ؟ مكرهش المرأة لشخصها لكن أكره تصرفات فيها وأكتر حاجة أكرهها فيها الجرأة الزايدة عن اللزوم والصوت العالى وعدم التقدير من هي المرآة المسؤله برأيك ؟ هى المرأة اللى مبتقلدش غيرها ومش كل همها شكليات وحاجات تافهه المرأة اللى تكون واثقة من نفسها وتعرف تقدر الظروف كويس يقال أن الطريق لقلب أدم معدته هل هذه المقوله صحيحة ؟ مقولة لا تمثلنى فى شئ وأعتقد ان معظم الرجال يوافقونى الرأى أنا لو بحبها هتمنى اكل من ايدها حتى لو مبتعرفش تسلق بيض ولو مبحبهاش مش هيفرق معايه أكلها حتى لو كانت أحسن واحدة بتطبخ ماهي أجمل هديه تتمناها من المرآة ولماذا ؟ التفاهم والتقدير.. لان بيهم تستمر الحياة دمعة المرآة ماذا تعني لك ؟ فى الغالب مش بتأثر بيها قلبيا لأنها أسهل ما يكون عند المرأة لكن بتأثر على قراراتى وبتخلينى أحاول أرضيها هل يهتز قلبك لدموع المرآة ؟ ومتى ؟ نفس الاجابة السابقة هل المال يحقق لك السعادة؟ المال وسيلة من وسائل تحقيق السعادة ...مش غاية ومش دايما بيكون وجوده سبب للسعادة بالنسبة لى ممكن يكون سبب لتحقيق السعادة ما الشئ الذي تمتلكه المرآة وتتمني امتلاكه؟ المرأة تنظر للأمور نظرة شمولية والرجل ينظر للأمور نظرة مركزة أتمنى تبقى عندى النظرة دى هل من الممكن ان تبوح اسرارك لصديق ام صديقه ولماذا؟ فى أحيان بسيطة...طبيعتى كده ما هو السبب لخيانه الزوجة ؟ أسباب كتيرمنها: وجود حب قديم فى حياتها بعد الزوج عنها وتقرب شخص اخر منها الاختلاط والتبرج المبالغ فيهم فى مجتمعنا وسائل التواصل الاجتماعى متى تشعر بالضعف ولماذا ؟ لما أبقى نفسى أعمل حاجة وفيه اعتبارات تمنعنى الى أين يصل مفهوم الحرية بعالمك ؟ إلى الحد الذى لا يتعارض مع دينى أو مبادئى ماهو المفهوم الحقيقي للحب لديك ؟ انسجام بين روحين وشوق بين قلبين هو طريق... أوله بلا تدبير... والسير فيه بلا تفكير يوما تؤذيك أشواكه ويوما تجنى من جانبيه الورود ماهو اول و اهم شيء يجذب نظرك للمرآة و يجعلك تهتم بها ? رقتها وخجلها هل تعترف بشيء اسمه الصداقه بين الرجل والمرأة ؟ لا أعترف بالصداقة بين الرجل والمرأة لكن ممكن تعامل فى حدود المطلوب والمعقول نصيحه منك لكل ادم ؟ ممكن تعيش حياتك زى ما أنت عايز من غير ما تخلى الغلط هو هدفك لكن تخليه حاجة طارئة عليك مش مقصودة استنونا وحلقه جديدة وهمسات رجل جديدة تحياتي ايمان طلعت