السلام عليكم ورحمة الله وبركاته
ده موضوع كتبه الاستاذ حازم خلي بالك يا هنيه الزواج مسؤليه
فانا هرد عليه بطريقه تانيه ما انا مش ورايا غير مواضيعه ارد عليها هههه
يلا نبدا
ده جزائك ياسعديه حد قالك تسيبي بيت ابوكي
وتروحي عش الزوجيه
ده يابنتي عش نحل وهيقضي عليكي ياغبيه
ضرب اخوكي ولاضرب ابن المفتريه
ولو نطقتي يديكي بالبونيه
صوت امك يعلا ولاصوت امه المؤذيه
مش عاجبها حاجه الوليه ديه
براحتك تبوظي الطبيخ وتكبي الملوخيه
وصوت الحلل عادي تخبطيه ع الارضيه
يابنتي ده عيشة ابوكي عيشه هنيه
بس نعمل إيه في دماغ سعديه
راحت للعذاب برجليها وربنا صعبانه عليه
جوزها عايزها زي الست اللي في التمسليه
وهو اقرع ومن كرشه ضاقت الجلبيه
عايزها رفيعه وهو يوزن عربيه
الكسل ماليه وتليفونه عنده اغلي من سعديه
نصيحه يابنتي الجواز فعلا مسئوليه
وطالما روحتي لازم دواكي يبقي في النمليه
والصبر في قلبك والبرود في اعصابك كده ممكن تعيشي متهنيه
هههههه طبعا انا بهزر انا جايه اهدى النفوس