[دمعه حائره]

أهلا وسهلا أعضاء منتدانا الجميل وكل عام وانتم بخير رمضان كريم عليكم يارب النهاردة معانا عضو جديد ومميز يمتلك موهبه وقلم مبدع قدر يلفت نظر مجموعه كبيره من الاعضاء بمشاركاته الجميله رحبوا معايا بحكاية حب حكاية حب عضو جديد اهلا وسهلا بيك نورت المنتدى والبرنامج ربنا يخليكي المنتدي منور بأسرته الجميله ورمضان كريم عليك وعلى كل حبايبك علينا وعليكم يا رب فى البداية احب اسجل اعجابى بقلمك ومشاركاتك الجميلة فى مدونتك والردود على الاعضاء شهادتك وسام اعتز بيه وياريت تعرف الاعضاء عليك اسمك؟ حكايه بدون عنوان وبيسالوني اسمك ايه قولتلهم حكايه يا بيه ممكن دموع ممكن ألم أو فرحه مش باينه في عنيه هي الحكايه أفضل إسم كل الاسامي هتفرق ايه حكايه بصراحة اسمك طويل بس جميل بلدك ومحل الاقامة؟ أكيد مصر ولكن عايش بره مصر بتدرس ولا خلصت؟ خلصت عندك اخوات قد ايه وترتيبك بينهم؟ 4 وترتيبي الثاني الحكمة المفضلة عندك؟ إتقي شر من أحسنت إليه مين مثلك الاعلى او قدوتك؟ سيدنا محمد عليه الصلاة والسلام عرفت المنتدى ازاى؟ صدفه بالبحث في جوجل سجلت على طول ولا فضلت زائر فترة؟ تابعت زائر لفتره ايه شجعك تسجل فى المنتدى؟ المنتدي بيضم مجموعة مبدعين تابعتهم ولقيت فيه تجاوب وتشجيع قولت اجرب ليه اخترت النيم بتاعك .. يعني ملقتش افضل من الحكايه اول مشاركة او موضع كان فى اى قسم؟ في قسم الخواطر لقيت ترحيب من الاعضاء وتفاعل مع مواضيعك؟ لقيت تفاعل وتشجيع من الجميع منهم حضرتك اكتر قسم بتحب تشارك فيه؟ الابداعات والمدونه لاحظت موهبتك المميزة فى كتابة الخواطر من امتى وانت بتكتبها؟ الهوايه بتكبر مع الانسان من صغره بقالي فتره بكتب هل بتكتب مقالات ولا هو خواطر بس؟ بكتب مقالات بقالب كوميدي عاطفي ونادر لما بكتب في السياسه على كده ان شاء الله نشوف مقالات ليك قريب مين اكتر الشعراء المعروفين اللى بتفضلهم؟ ابراهيم ناجي - احمد رامي - نزار قباني مدونتك جميلة وانا من المتابعين ليها ومن العنوان اعتقد فيه حكاية مميزة ليها مكانة عندك ياترى هاتكملها ولا هاتحتفظ بخصوصيات ليك بعيد عنها؟ والله مش عارف ولكن هي عباره عن احاسيس ومواقف ربما استمر أنا أم أكون مجرد عابر سبيل أو مجرد حكايه ان شاء الله تستمر معانا كونت صداقات داخل المنتدى ؟ للاسف أنا معرفش حد مجرد متابعه لأقلام مبدعه أكن لها الاحترام والتقدير مين من الاعضاء اللى بتابع مواضيعهم؟ دمعه حائره - منايا - قيثاره - نغم الشام - احساسي صحيح - وكريم بشكرك على الاختيار واكيد الكل بيحب يتابعك بتحب المسابقات وتشارك فيها؟ لا احب الخوض في غمار المسابقات ومشاحنات من فاز ومن خسر هل قابلتك اى مشكلة اثناء تصفح المنتدى بالعكس كله تمام احكيلنا عادات خاصه بيك والاسرة بتهتم بيها فى رمضان أجواء رمضان لم اري لها مثيل خارج مصر أجواء جميله العبادات صلاة التروايح والزيارات العائليه ولمة العيله أما خارج مصر كاننا في ايام عاديه لا تفرق الا ازدحام الاسواق وصلاة التراويح وكل واحد في حاله تحب تضيف اى اقتراح او خاصية للمنتدى ؟ كل الاقسام موجوده ولا توجد اي اقتراحات بشكرك على قبول الدعوة نورتنا واتمنى تستمر معانا انا اللي بشكر حضرتك ويسعدني أكون ضيف خفيف عليكم كل سنه وحضراتكم بخير وحضرتك طيب وانا سعيدة جدا بالاستضافه وهنا تنتهى حلقتنا مع حكاية بشكركم على المتابعه واتركم ليكم الترحيب انتظرونى مع عضو جديد