[محمود الصاروخ]

السلام عليكم ورحمة الله وبركاته
--



من الجميل أن يفوز منتخب مصر وبالفعل فرحه لينا كلنا
ومن الاجمل ان يكون عندنا مواهب صاعده وبالفعل فرحه لينا كلنا

ولكن كل اللي بستغرب له
إن يكون منتخبنا فاشل بمعني الكلمه وضعيف جدا وكلمه ضعيف
ممكن تكون قليله واللي شاف ماتش منتخب الشباب من شويه هيتفق
معايا في كلامي وهيشوف أد ايه كمية الاستهتار سواء في انهاء الهجمات
أو في الناحيه الدفاعيه عموما وكمان الماتش يخلص واحنا متأخرين
بهدف وعلي ارضنا ومن منتخب ضعيف وفي النهايه نلعب ضربات
جزاء وحارس مميز اسمه عمر وائل يصد ضربتين جزاء
بشكل مميز جدا ويستحق انه ياخد نجم الماتش عليهم
ويجي لاعب يشوط أخر كوره لينا ويجيبها جول
والاعلام والجماهير تنفخ فيه وتنسي الراجل ده
يبقي اكيد فيه حاجه غلط

ياساده
اقسم بالله مدرب منتخب مصر لو مدرب بمعني الكلمه وفاهم كان
خرج رمضان صبحي من بدري بسبب الاستهتار اللي كان في الملعب
احنا بنلاعب رواندا يعني منتخب ضعيف اومال هنعمل ايه
مع انجولا الماتش اللي جاي طيب ؟؟؟

أخيرا
مصر فوق الجميع بما فيهم أهلي وزمالك بمعني إن لاعب زي
رمضان صبحي مهم في تشكيلة منتخب مصر يكون عنده ماتش النهارده
مع منتخب بلده ويلعب مع فريقه امبارح اقسم بالله المنتخب أهم
من فوز الاهلي أو فوز الزمالك ولا الاهلي والزمالك بقو
يتكلمو علي الوطنيه اليومين دول وهي مفيش اصلا ؟؟

المهم
بأي منطق يكون لاعب أكتر تمريراته في الماتش سيئه
ويجي يشوط ضربة جزاء في الاخر ياخد نجم الماتش وفي الوقت نفسه
حارس بديل لسه نازل مع انتهاء الماتش ويصد ضربتين جزاء
مياخدش هو نجم الماتش ؟؟ ماهو معلش الحاجات دي
بتفرق مع اللاعيبه مش كده ولا ايه ؟؟؟



تحياتي لكم جميعا محمود الصاروخ