[morshooo]

بسم الله الرحمن الرحيم

مزاج الخير

اهلا بيكم جميعا

والحلقه الثانيه من

( بقى دا كلام 5 )




البدايه

انا عامل توبيك جديد اسمه
( الحق ما يزعلش )
بستضيف عضو والمفروض انه يقول رئيه فيكم
وهيكون ليكم حق الرد .

دى كانت رساله بعتها لجميع الضحايا
وكان ردهم

تمام موافقين .




تعالو نشوف ياترى

أميرة محمود

حصل معاها ايه




ودلوقتى تعالو نشوف

اول رساله كانت عبارة عن ايه

بصى دا كان رد الضيف لما سئلته عنك .
ودلوقتى مع العضوة رقم

2 /

اميرة محمود

ياترى ايه رئيك فى وجودها بالمنتدى وياترى ايه لاالافادة من مواضيعها
وتواجدها ؟

اميرة عضوة مميزة جدا يا احمد
اسلوبها بيعجبنى جدا ليها كام موضوع مفيد جدا زى مثلا
رجل المواصفات القياسيه
حاجا كدا واااااااااااو
موضوع الثعبان الطاير
برضو كان مفيد جدا ليه وحاجا جميله بجد
ولكن .
بحسها والله واعلم انها متكبره جدا حتى الرسائل قفلاها
ياترى دا عشان شايفه انها اكبر من اعضاء المنتدى والا ايه السبب
الواحد بيحب يدخل بروفايل الاعضاء يصبح عليهم يقولهم
كل سنه وانتم طيبين يطمن عليهم هى بحسها متكبره فى النقطه دى
كمان ليه بعض الردود مابحسش انها بتضيف حاجا هى عايزة
ترد بس او يبقا عندنا مشاركات كتير فياريت بلاش كدا .




بصى دا رد العضو على شخصيتك
شوفى بقا ليكى حق الرد على كلامه دا
وبالطريقه الى تحبيها يعنى تنقدى كلامك
توافقى عليه حاجا ترجعلك .

ثانك يو على رأيك في أسلوبي وموضوعاتي
رغم إنى مش عارفة أنت مين
ولكن موضوع الرسايل مش تكبر ولا حاجة والله
وعموما هفتحها عشان محدش يفتكرنى متكبرة
وموضوع المشاركات اعتقد كل مشاركاتى بضيف رأيي
إلا في الالعاب ممكن لأني بحب منتدى الالعاب
جوايا طفلة صغيرة ههههههه
بس هى رودود مش محسوبة اصلا
وللمرة الثانية ثانك على رأيك وأكيد محل اهتمام

برنامج حلو مروشو شكله هيكسر الدنيا
ههههههههه




هو هيكسر الدنيا فعلا
بس عليكى
المهم بعتلها كمان رد

طيب يعنى انا مش فاهم ايه اسلوب الاستفزاز ف ردها دا
والدليل يا احمد بتقولى ثانك يو
وجوايا طفله صغيرة وتضحك
بصراحه انا شايف انى مغلطش لما قولت انها متكبرة
واعتقد انها مش هتفتح الرسايل والزور هو مجرد كلام بس
عشان الاعضاء ماتتجنبهاش فى التعامل بعد كدا
والحمد لله كلامى كان صح لما اكلمت عن ردودك
وانتى بنفسك اهو بتقولى بتهتمى بالالعاب انا لو منك بصراحه
من دلوقتى اتم بقسم النقاش واتعلم الردود .
اتمنالك التوفيق وكفيه كدا يا احمد عشان اخدت وقت
طويل عشان نلحق باقى الاعضاء وابعتلى ردها
عشان اشوف هتقول ايه .



بعتلها الكلام الرخم دا وقولتلها
ان من حقك تردى على الكلام دا
وهيكون اخر رد

أنا مش قلت بهتم بالألعاب
أنا قلت ردودى كلها بضيف فيها رأيي
إلا منتدى الألعاب هو مش فيه أى رأي أصلا
بس بحبه والموضوع أذواق يعنى
بس لو ركزت هتلاقينى ليا ردود كتير
في النقاش والقلم والفضفضة والأدبي وحواء وأدم
بس متقولش إني متكبرة
لاني بقولك رأيك محل إحترام
بس ردك المرة دى ضايقنى كتير
بتهاجمنى بقسوة أوي




القسوة دى أقل حاجا عندى
وبعدين عشان انتى غلبانه كان لازم
اعمل فيكى اكتر من كدا
ودلوقتى مع ( الصدمه )

بص يا احمد انا عايز اقولها ان كلامى طلع صح اهو
والدليل انك اتعصبتى والحمد لله
ظهرتى على حقيقتك امام الاعضاء ودلوقتى بس
احب اقولك انا دا مش توبيك دا بيتصنف انه















( مقلب )
وعلى فكره مفيش ضيف والا حاجا
( morshooo )
الى هو انا
ال كنت ببعتلك الردود
والحمد لله انك شربتى المقلب والحمد لله مش هيطلع
من دماغك هههههههه سمعينى صقفه بقا

وها ايه رئيك فى المقلب الى هتشوفيه فى
( رمضان 2016 )

مقلب

يا شرير يا مفتري

هههههههه

وأنا بقول في نفسي

مفيش حد من الأعضاء يكون طريقته كدا أصلا

وكل الأعضاء بحبهم وبيحبونى

بس حرام عليك يا مروشو

انت اتقنت المقلب جدا وانا شربته

بس بينى وبينك

كنت حاسه بردوا ان فيه حاجة مش طبيعية

وممكن يكون هزار ههههه

معلش بقا انتى بنت حلال وتستهلى كل خير والله
اخر حاجا تحبى تقولى ايه لاعضاء المنتدى ف رمضان
وعايزك تختارى 3 اعضاء توجهلهم اى كلمه خاصه بيهم ؟

كل سنة وكلكم طيبين وبخير
أنا بحب المنتدى جدا والجميع بالنسبة لى كــ أسرتي

كلمة ليك مروشو
أنت ليك كاريزما خاصة وموضوعاتك دايما لذيذة رغم انها ساعات مقالب ههههه

كلمة لدمعة حائرة
بيعجبنى تفكيرك وطريقتك الهادية وردودك الهادفة المتزنة أنتى شخصية قيادية

كلمة لهمس الحنين

معظم موضوعاتك مهمة وجذابة وتنسيقك للموضوعات بيعجبنى جدا بس
بلاش لمحة الحزن ربنا يسعدك دايما






وبكدا بيخلص

المقلب الثالث ^_^

ياترى مين هيكون صاحب

المقلب الرابع