[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه كيف تستعدي لاستقبال الشهر الكريم ؟ استعداد معنوي أكتر النية أهم حاجة وطبعا القرآن بس دا ميمنعش أن الفانوس لا غنى عنه بجيب فانوس او بيجيلي فانوس لازم شهر رمضان شهر مختلف عن باقي الشهور فماذا يعني لكِ رمضان ؟ التراويح والتهجد وليلة القدر والقرآن والصيام ومتابعة القمر كل يوم والسهر لحد الفجر ما هي مظاهر رمضان في بيتك و مدينتك ككل ؟ الشوارع كلها بتكون نور وزينة في رمضان الصلاوات في المساجد والعزومات على الفطار ما الشيء المميز جدًا بكِ في رمضان؟ يعنى مبحبش الخروج تماما فى رمضان بحب البيت أكتر يومك الرمضاني كيف يكون ؟ وقت الصيام بقرأ قرآن قبل الآذان بنجهز الأكل بعد الفطار التراويح وبعدين السحور وبعدين صلاة الفجر زى ما يكون دائما رمضان بيجري بسرعة موقف حدث معكِ في رمضان ولن تنسيه ؟ اكلت مرة نوع حلويات فضلت فترة متعقدة من الأكل جدا ومش فاكرة اسمها حتى بس كان نوع من حلويات غربية مش حلويات شرقية يعنى رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ مفيش اكلة معينة مميزة عندنا كلنا بنحب التنويع بلح الشام بحبه وكل العصائر بحبها بردوا بس بحب الفراولة بقطع الموز أكتر هل تدخلي المطبخ في رمضان وان دخلتي ماذا تفعلي ؟ اها مكنتش متعلمة بس اتعلمت وبعمل حاجات كتير أنا موضوع المطبخ بيستهويني أصلا بس بطيئة اذكري أكلة مميزة أعددتيها بنفسك و طريقتها ان أمكن ؟ اللازانيا باللحمة المفرومة والبشاميل الأول اللحمة المفرومة تستوي وبعدين الصلصلة عليها والبهارات وبعدين اللازانيا تتغلي في ماء لحد ما تستوي وبعدين البشاميل في الآخر اللازانيا بتترص طبقة منها في الصنية وفوقها طبقة بشاميل بعدين طبقة تانية لازانيا وبعدين اللحمة المفرومة كل الكمية وبعدين طبقة تانية لازانيا ومن فوق بشاميل على الوش وبعدين في الفرن لحد ما تستوي بس متى أخر مرة ملكتي فانوس رمضان ومن أهداه لكِ ؟ كل مرة لازم فانوس وبيجي لى هدية ولو مجاش انا بشتري لنفسي بدلع نفسي بردوا يعنى هل تتابعي المسلسلات التي تعرض في رمضان ؟ ساعات بس لو حاجة كوميدي ما رأيك فيما يقدمه التليفزيون الآن في رمضان ؟ معظمه مخدرات وأمراض نفسية وأمراض اجتماعية وأمراض سياسية حاجة يعنى استغفر الله العظيم ما هو المسلسل أو البرنامج الذي يذكرك دائما برمضان قديمًا ؟ كان فيه برنامج اسمه كلام من دهب كيف تستعدي لاستقبال العيد ؟ لازم اعمل شوبنج قبل العيد واشتري حاجات كتير ما هي مظاهر العيد في مدينتك ؟ زيارات عائلية وأوقات سفر أو رحلات هل تشتري ملابس للعيد الى الان ؟ مش ملابس بس دا أنا بستغل الفرصة أسوأ استغلال بجيب ال يخطر على بالك وال ميخطرش هل تأخذي عيدية ام تعطي؟ باخد عيدية طبعا الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ جاهز اهو دا ال معرفش اعمله وتجاربي فيه فشلت الحمد لله موقف حدث معكِ في العيد ولن تنسيه ؟ مرة نمت أول يوم العيد دا طول اليوم والمشكلة سابوني نايمة عمرك شفتى حد العيد يفوته كدا الواحد يضيع حلقة مسلسل يضيع ميعاد طايرة مش يضيع ميعاد العيد ميحضروش كلمة لاعضاء منتدى بنات مصر؟ كل سنة وأنتم طيبين ورمضان كريم عليكم ولو حد زعلان منى في حاجة ميزعلش وشكرا ليك إيمان على الأسئلة الخفيفة الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي