[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم ادم في رمضان يشرفني ان تكون ضيف فيه تسلمي ايمي بقى رمضان كريم عليكي وعلى كل اسرتك كيف تستعد لاستقبال الشهر الكريم ؟ لو هنتكلم عن الفطار فا عشان احنا رجاله بقى ف البيت بنظبط جدول الفطار بتاع الشهر لان مش كل يوم هنتطلع نجيب طلبات فا بتتجاب مره واحده وتتخزن والجانب الديني والروحاني والاستعداد النفسى فا دا شهر كريم بيجي بالبركه بتاعته وربنا يكرمنا جميعاً بقى ، شهر رمضان شهر مختلف عن باقي الشهور فماذا يعني لك رمضان ؟ بيخلينا نقرب من ربنا اكتر بعيد عن الحياه ومشاكلها ما هي مظاهر رمضان في بيتك و مدينتك ككل ؟ المظاهر كتيره ومش بتختلف من مكان لاخر بره زي جوا عندنا زى عندك والشوارع ف مصر شبكات لمبات الوان بتتعلق ف البلكونات والفوانيس والورق اللى بيتقطع ويتعلق بالحبال ويوصل البيوت ببعضها والجو الاسرى ولمة العائلات ما الشيء المميز جدًا بك في رمضان؟ الهدوء وراحة البال بتبقى عايش طول السنه مع الشعب وتظبط الدماغ بينك وبين نفسك ف رمضان يومك الرمضاني كيف يكون ؟ بنصحي حداشر كده ونفوق نفسنا يأذن الظهر بنصليه وطلبات بقى بتتجاب واى مشاوير تانيه ع حسب لغاية العصر وبيبدأ بقى الواحد يثبت ف مكان ميتحركش منه ويجي المغرب بقى والفطار والليل سيستم كل الشباب هتطلع بقى او هتقضيها مع نفسك لغاية الفجر وهكذا موقف حدث معك في رمضان ولن تنساه ؟ مفيش مواقف ف بالي والله رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحب و المشروبات والحلويات ؟ اهاا طبعا الجديد بقى بتاع رمضان العرقسوس ههههه انا اكلتي المفضلة البشاميل والعصائر البرتقال ومليش ف الحلويات اوى يعني بس اكيد الكنافه بما اننا ف رمضان هل تدخل المطبخ في رمضان وان دخلت ماذا تفعل ؟ يوه طبعا لازم ندخل المطبخ دا اساسى ونفعل اشياء عده حلوه اللغه العربيه دى اذكر أكلة مميزة أعددتها بنفسك و طريقتها ان أمكن ؟ لا احنا يوم ما بندخل المطبخ بيبقى عشان نرتب الحاجات والتشطيبات احنا لو طبخنا محدش هيفطر الطبخ دا بقى مع الحج ف رمضان بيبقى هو المسئول عنه متى أخر مرة ملكت فانوس رمضان ومن أهداه لك ؟ من واحنا ف ابتدائى باين خلاص اعم الفوانيس دي بقت للاجيال اللى بعدينا هل تتابع المسلسلات التي تعرض في رمضان ؟ ان تابعت شئ بيبقى ليوسف الشريف راجل بيمثل كويس ومسلسلاته نظيفه وغير كده بقى بتنجان ولا ف الدماغ كله ع النت بتقدر تشوفه ف اى وقت بعدين ما رأيك فيما يقدمه التليفزيون الآن في رمضان ؟ بلح ما هو المسلسل أو البرنامج الذي يذكرك دائما برمضان قديمًا ؟ اكيد بكار بقى ولما يجي ف مواعيد الفطار بس خلاص دلوقت نزل بكار بالتابات والتكنولوجيا بقى بايخ ومحدش بيشوفه ،، كيف تستعد لاستقبال العيد ؟ لا العيد اقل بكتير من رمضان اوقات بيعدي مرور كرام بيبقى حسب المود ما هي مظاهر العيد في مدينتك ؟ الكحح وبسكويت العيد اكيد يعني زي اى مكان تاني هل تشتري ملابس للعيد الى الان ؟ نشتري ملابس العيد هههه دلوقت بقينا نخرج نجيب للناس ملابس العيد مش نشتري لنفسنا قول للزمان ارجع يا زمان بقى ويوم ما بنرسى ع حاجات بقى بتبقى خروجه شلة شباب مفيش حد بيجيب لنفسه لوحده كله بياخد معاه صحابه المرايه بتاعته هل تأخذ عيدية ام تعطي؟ العيدية دي خلاص ايامها راحت دلوقت بقينا بنعطي وبعدين دا ايام زمان الجيل دا جيل عفاريت ميعرفوش حاجه اسمها عيديه الكحك و البسكوت واخواتهم من مظاهر العيد عند الجميع هل تصنعه في البيت ام تشتريه وماذا تفضل ؟ اكيد بنشتريه بس مش دايما بردوا مليش فيها اوى يعني وبحب فيه البسكويت وجماله مع الشاى موقف حدث معك في العيد ولن تنساه ؟ المواقف بتتبخر فا صعب افتكر اى حاجه والله كلمة لاعضاء منتدى بنات مصر؟ كل عام وانتم بخير الى هنا تنتهي حلقتنا شكرًا لك نورت الحلقة وكل عام وانت بخير هدية بسيطه من البرنامج يارب تعجبك انتظروني بكرة ان شاء الله وحلقة جديدة تحياتي