[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه كيف تستعدي لاستقبال الشهر الكريم ؟ الاول طبعا الفانوس اهم حاجة طبعا لازم النيه واحدد انا عايزة اطلع بايه من رمضان السنه دى وايه اللى هصلحه ف نفسى علشان ربنا يرضى عنى واكون من الفائزيين شهر رمضان شهر مختلف عن باقي الشهور فماذا يعني لكِ رمضان ؟ فرصه ان الواحد يرجع لربنا بجد ما هي مظاهر رمضان في بيتك و مدينتك ككل ؟ الزينه ف الشوارع و الانوار المبهجه جدا ^^ الناس كلها فرحانه ما الشيء المميز جدًا بكِ في رمضان؟ انى بعمل العصير على الفطار يومك الرمضاني كيف يكون ؟ للاسف لان ف الاجازة بنام متاخر ف بيضيع كتير من نهار رمضان فى النوم وبقوم اقرا الورد بتاع القرآن واساعد امى ف الاكل و بعد الفطار نجرى على التراويح موقف حدث معكِ في رمضان ولن تنسيه ؟ جدى الله يرحمه لما جالنا خبر وفاته ف رمضان رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ البيتزا ع السحور ^^ المشروبات بحب المانجا والسوبيا جداا والحلويات القطايف والكنافه والكيكه لما يكون مفيش سحور بقا مع اللبن هل تدخلي المطبخ في رمضان وان دخلتي ماذا تفعلي ؟ بدخل اساعد امى على حسب اللى تطلبه بقا اذكري أكلة مميزة أعددتيها بنفسك و طريقتها ان أمكن ؟ امتنع عن الاجابه لاستشعارى الحرج متى أخر مرة ملكتي فانوس رمضان ومن أهداه لكِ ؟ رمضان اللى فات .. بعد الحاااح طويل جدا الحمد لله ربنا هداهم ف البيت وجابولى فانوس وكنت فرحانه بيه جدا هل تتابعي المسلسلات التي تعرض في رمضان ؟ تابعت رمضان اللى فات مسلس يوسف الشريف بس بقول السنه دى نحاول نبعد عن المسلسلات ما رأيك فيما يقدمه التليفزيون الآن في رمضان ؟ بصراحه مش متابعه كتير يعنى ماعرفش ايه اللى هيتعرض والكلام ده بس من بعض الاعلانات الخفيفه اللى ممكن تعدى عليا ف واضح انهم مصريين يضيعو صيام الناس ف رمضان .. بس هو بكار حلو جدا ما هو المسلسل أو البرنامج الذي يذكرك دائما برمضان قديمًا ؟ بكاار .. والمغامرون الخمسه .. والفوازير .. والف ليله وليله كيف تستعدي لاستقبال العيد ؟ تنضيف الشقه مفيش اى حاجة تانيه اعتقد ما هي مظاهر العيد في مدينتك ؟ هو العيد مابقاش زى زمان او يمكن احنا لما بنكبر مش بنحس بفرحه العيد بس هو بيتلخص بالنسبالى ف صلاة العيد ومسرحيه ريا وسكينه هل تأخذي عيدية ام تعطي؟ لا باخد بس الحمد لله الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ لا كنا بنعمله ف البيت موقف حدث معكِ في العيد ولن تنسيه ؟ هو كان ف عيد الاضحى مش عيد الفطر وكنت صغيرة ولابسه هدوم لونها اخضر والخروف طلع يجرى ورايا كلمة لاعضاء منتدى بنات مصر؟ المكان الاحب الى قلبى والناس الحلوة اللى عرفتها واللى ماعرفتهاش لسه كل سنه وانتو طيبين وبخير كل عام وانتم الى الله اقرب وتسلمى ي ايمى ع الاستضافه الحلوة شبهك دى الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي