[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم ادم في رمضان يشرفني ان تكون ضيف فيه وانتى بخير وجميع الاعضاء بخير كيف تستعد لاستقبال الشهر الكريم ؟ والله دلوقتى مبقاش فى استعدادات الا بحاجات رمضان الياميش ودى اهم حاجا بصراحه ^_^ شهر رمضان شهر مختلف عن باقي الشهور فماذا يعني لك رمضان ؟ اكيد شهر الرحمه والتقرب الى الله وكفايه الجو العام فى الشوارع وحتى بين الناس بتحسى ان ربنا بيهدى الجميع ههههههههه ما هي مظاهر رمضان في بيتك و مدينتك ككل ؟ ى البيت شغل الزينه بيظهر ^_^ وعلى العمارة . فى القاهرة عموما بيكون الجو جميل قبل المغرب بساعه بتكون الدنيا فاضيااااااااااااااا وتحسى ان الناس اختفت ودى احسن حاجا بصراحه وطبعا الشوارع والمحلات بيبان عليها دخول شهر رمضان والفوانيس بتتعلق والزينه يعنى بيكون شهر فى السنه وبيكون ليه بهجته . ما الشيء المميز جدًا بك في رمضان؟ بصى طبيعه شغلى زى الزفت فى رمضان بيكون شغل قبل الفطار وبعد الفطار وعلى ما بروح بتكون الساعه 2 بليل فالواحد بيكون مطحون طول الشهر يومك الرمضاني كيف يكون ؟ بنزل الشغل الصبح الساعه 12 وبرجع قبل الفطار بساعه وبرجع تانى واروح الساعه 2 . يعنى بيكون يوم طويل لكن بيعدى ^_^ موقف حدث معك في رمضان ولن تنساه ؟ مفيش موقف معين لكن من كام سنه كدا كان النور بيقطع كتير على الفطار رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحب و المشروبات والحلويات ؟ اكله معينه مفيش لكن الكنافه والقطايف طبعا اساسى فى رمضان العصائر انا بحب العرقسوس جدا ومش بشربه الا فى رمضان فقط ^_^ وطبعا الاهم من كل دا كوبايه البلح المشكله هل تدخل المطبخ في رمضان وان دخلت ماذا تفعل ؟ ان دخلت سوف افطر لا مش بدخل بصراحه اذكر أكلة مميزة أعددتها بنفسك و طريقتها ان أمكن ؟ اكلات وكدا ماليش فى الجو دا انا كبيرى افتح علبه تونه متى أخر مرة ملكت فانوس رمضان ومن أهداه لك ؟ مش فاكر بس السنادى انا جبت للنجم الصغير هل تتابع المسلسلات التي تعرض في رمضان ؟ بتابع المسلسل الى بيجى وقت الفطار والاغلب بيكون لعادل أمام وشكل المسلسل الجديد بتاعه هيكون جامد . ما رأيك فيما يقدمه التليفزيون الآن في رمضان ؟ هو فى حد بيتفرج على التليفزيون المصرى اصلا كله بيروح على الفضائيات عموما انا بزهق من الاعلانات فبريح دماغى واشترك فى قنوات ART عشان مش بيجيبو اعلانات الا مره والا حاجا وبيكون مفيش 3 دقايق . ما هو المسلسل أو البرنامج الذي يذكرك دائما برمضان قديمًا ؟ طبعا الفوازير نيلى وشريهان وبوجى وطمطم وفطوطه وبكار بدون كلام ابراهيم نصر كيف تستعد لاستقبال العيد ؟ من ساعت جو الشغل وكدا مبقاش فى استعداد والا حاجا بعرف ان العيد خلاص يوم الوقفه لما بنقفل المحل ونقول خلاص على كدا اجازة وزحمه اخر اسبوع فى رمضان عشان الناس الى بتنزل تشترى ملابس والطرق بتبقا زى الزفت لحد الفجر . ما هي مظاهر العيد في مدينتك ؟ كله يروح على الحدائق بالنهار وبليل المولات والسينما طبعا بتكون موووت وطبعا الزيارات دى اساسى وكلها بتكون تجمعات عائليه بالنسبالى بكون تبع الزيارات سواء حد جايلى او اروح لحد لكن ماليش فى جو الخروج عشان الزحمه وكل الاماكن بتحس ان فيها عيال هل تشتري ملابس للعيد الى الان ؟ لا مش فى دماغى وقت ما بحب اشترى حاجا بشترى لكن مش بخصص للعيد او لغير العيد . عموما انا من صغرى مبحبش انزل اشترى اى ملابس \فى رمضان بسبب الزحمه . هل تأخذ عيدية ام تعطي؟ لو فى حد عندك بيدى قوليلى اجيله لا طبعا الواحد دلوقتى بيدى بس . الكحك و البسكوت واخواتهم من مظاهر العيد عند الجميع هل تصنعه في البيت ام تشتريه وماذا تفضل ؟ معتقدش فى هنا فى القاهرة حد بيعمل فى البيت الا قليل جدا الاغلب بيشترى او بيجيله من البلد ولا حاجا لو ليه حد فى الاقاليم بس انا بقول لما الياميش اسعارة كدا امال الكحك والبسكويت والحاجات دى هتبقا بكام موقف حدث معك في العيد ولن تنساه ؟ المواقف كلها والواحد صغير مع ولاد عمى لان زى ما قولتلك بتكون فى زيارات فكنا بنجمع فى العيد ونعيش حياتنا بقا كلمة لاعضاء منتدى بنات مصر؟ كل سنه والجميع بخير وأن شاء الله يكون رمضان 2016 خير على الامه الاسلاميه فى جميع دول لعالم الى هنا تنتهي حلقتنا شكرًا لك نورت الحلقة وكل عام وانت بخير هدية بسيطه من البرنامج يارب تعجبك انتظروني بكرة ان شاء الله وحلقة جديدة تحياتي