[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه عليكم السلام وانتى بخير يارب الشرف ليا كيف تستعدي لاستقبال الشهر الكريم ؟ بحاول اقطع علاقاتى باصحابى واقفل الفيس واحط خطط بحاول اعملها طول السنه وبفشل بس فى رمضان بنججح فيها الى حد ما شهر رمضان شهر مختلف عن باقي الشهور فماذا يعني لكِ رمضان ؟ فرصه بتيجى مره فى السنه ممكن ماتجيش تانى لو استغليته صح هكسب لو فلته من ايدى هيفلتنى من حساباته ما هي مظاهر رمضان في بيتك و مدينتك ككل ؟ المظاهر كانت زمان حاليا مفيش اى مظهر بيدل على رمضان غير انه الاسعار بتغلى والناس خلقها بيضيق : ما الشيء المميز جدًا بكِ في رمضان؟ مابدايقش الناس قدر المستطاع يومك الرمضاني كيف يكون ؟ بما اننا فى الاجازه فهو مقتصر ع الاذكار والقران وصلاة التروايح وكلمة اللهم انى صائمه موقف حدث معكِ في رمضان ولن تنسيه ؟ مفيش موقف محدد يعنى بس كانوا بيمتحنونا فى رمضان تصورى رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ بحب المكرونه البشاميل وبحب الجلاش ومبحبش العصاير هل تدخلي المطبخ في رمضان وان دخلتي ماذا تفعلي ؟ بدخل اشرف عليهم واطلب انا عاوزه اكل ايه واطلع بلاه هده اذكري أكلة مميزة أعددتيها بنفسك و طريقتها ان أمكن ؟ البطاطس هاتى البطاطس وقطعيها بس طخينه شويه وحطى ميه بتغلى ع النار لما تغلى حطى فيها خل وملح ولما تغلى اسقطى فيها البطاطس واسلقيها تلتين سلقه وبعدين صفيها واقليها متى أخر مرة ملكتي فانوس رمضان ومن أهداه لكِ ؟ رمضان الى فات جبته لنفسى هل تتابعي المسلسلات التي تعرض في رمضان ؟ لاء حرام وقل للمؤمنات يغضضن من ابصارهن وكمان مش ضامنه عمرى عشان اتفرج على منكر عامة مش بتفرج على التليفزيون الا كوره ما رأيك فيما يقدمه التليفزيون الآن في رمضان ؟ بيريح الشيطان فى الشهر دا ويتولى مكانه بزياده وافوره واستغلال لغفلة الناس ما هو المسلسل أو البرنامج الذي يذكرك دائما برمضان قديمًا ؟ رمضان عمره ما ارتبط عندى بالتليفزيون كيف تستعدي لاستقبال العيد ؟ بعمل بسكوت ويطلع طعمه وحش وازعل واجرب تانى وبردك بيطلع طعمه وحش ما هي مظاهر العيد في مدينتك ؟ صلاة العيد والمحشى والبط ع الفطار هل تشتري ملابس للعيد الى الان ؟ لاء بطلنا من زماان هل تأخذي عيدية ام تعطي؟ باخد طبعا انا لاقيه اكل الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ بعمله ونرميه ملناش تقل ع الحاجات دى اصلا موقف حدث معكِ في العيد ولن تنسيه ؟ لاء مش فاكره جايز يحصل العيد دا بقن كلمة لاعضاء منتدى بنات مصر؟ كل عام وانتم بخير ورمضان كريم وعيدكم مبارك وكل سنه وانتم متجمعين ع الخير والصح والحاجه الكويسه الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي