[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم ادم في رمضان يشرفني ان تكون ضيف فيه مساؤو بغددة ^_* وآنتي بخير بقة لاء طلاما آدم ف رمضان محدش يقدر يتكلم الشرف لينا يا ست الحلويات تقبلتو كيف تستعد لاستقبال الشهر الكريم ؟ والله بتفاجئ بيه كدا كل سنة هوب يقولك كمان تلت تيام رمضان بصراحة بفرح لآني بحب جو رمضان آوي ف كل حاجة حتي ف الشغل وف نفس الوقت بتتغير كل ترتيباتي وروتيناتي اليوميه وبيكون عليا ضغوطات ف الشغل بس الحمد الله يعني بستعد آستعداد نضيف طهارة ونور ^^ شهر رمضان شهر مختلف عن باقي الشهور فماذا يعني لك رمضان ؟ رمضان ؟ كل ذكرياتي الطفولية الحلوة في رمضان ..رمضان بنسبالي فرحة وذكري وعملية غسيل وتطهير لنفسي ولآعمالي كدا والوصال اللي دايماً بيرجعني لآيماني بشكل ملتزم وصحيح ..بس يارب يتقبل مننا عشان الواحد ذنوبه كتيرة آدعلنا كدا ما هي مظاهر رمضان في بيتك و مدينتك ككل ؟ آسكندرية وآهلها معروفين بالجمال والمظاهر الخلابة اللي بتخص الشهر المبارك وعندنا كل سنة مبحسش برمضان انا واخواتي غير لما بنتلم كلنا اول يوم سحور وافضل انا وهما نضرب ونهزر ف بعض واحنا بنعلق زينة رمضان ف البلاكونة بخلاف الزينة اللي بشارك ف تعليقها برضه ف الشارع عندنا وبعمل مناظر حلوة كدا ما الشيء المميز جدًا بك في رمضان؟ والله اللي بشوفو ايجابي فيا ف رمضان الالتزام بالصوم والصلاة بفضل الله يعني انا طول عمري بحافظ علي التزامي بقواعد الشهر .مفيش غير ايام الشقاوة كدا ف سن ال19 او العشرين ..كنت بقضيها وبفطر وبعمل حاجات غريبة ..بس لما كبرت شوية عقلت وبقة شهر رمضان عندي هو اللي بغسل فيه نفسي من كل حاجة واي حاجة بجد..وبتمني ربنا يمن عليا بالهدايه كدا وافضل مواظب علي الصلاة طول العمر يعني مش ف رمضان بس يومك الرمضاني كيف يكون ؟ علي فكرة مش كل حاجة تتحكي .؟ بس ماشي ^^ يومي الرمضاني يوم بيبدء بالصلاة الصبح وبعدين بنزل الشغل اشتغل شوية وانا مقفل طبعاً ..بعدين قبل صلاة العصر بشوية كدا اقرأ فالمصحف حبة بعدين اصلي العصر بعدين اشتغل لحد قبل الآذان بحبة بعدين اركب الموتوسيكل بتاعي واروح اجيب خروب ومانجا صوبيا من عصير مكة هههه بعدين اروح ع المدفع بالظبط افطر اقوم اصلي المغرب انزل اشتغل اصلي العشا بدون تروايح بصراحه عشان الشغل .بعدين اروح قبل السحور بساعة او بنص اتسحر الفجر يآذن اصلي اقرأ ف المصحف لحد ما آنام موقف حدث معك في رمضان ولن تنساه ؟ لاء مواقف كتير منها الوحش والحلو يعني مرة وانا صغير شوية وكنت صايم بجد دخلت علي سوبر ماركت فتحت ثلاجة العرض فيه عصير اسمه ملكي كدا للبن بالشيكولاتة قومت واخد واحدة وخالع الشفاطة ومركبها وبشرب وكل دا صاح السوبر ماركت متنحلي يدوب اول شفطة قالي ياعم داري نفسك قولتله ليه قالي انت فاطر وبتسآل ليه هههههه افتكرت اني صايم واني ف رمضان اساساً ومرة تانيه قومت الساعة 7 الصبح وانا نايم على روحي فتحت الثلاجة بتاعتنا وفضلت ابرقع ف ميه وجيت انام افتكرت اني كنت صايم ههههه الوحش بقة لما بتعصب كذا موقف حصل معايه خلوني لغبطت ف الآلفاظ وفطرت وولعت سجاير كانت ايام سودا الله لا يعودها يعني بس رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحب و المشروبات والحلويات ؟ آنا آديني ف خروب ومانجا صوبيا وعصاير اما الآكلات ع الفطار مش باكل اصلا يدوب باكل اى حاجة كدا السحور بقة اغرزيني ف الفراخ البانيه والمكرونة البشامل والحمام المحشي والكلام دا هل تدخل المطبخ في رمضان وان دخلت ماذا تفعل ؟ المطبخ دا اتوجد للستات ^^ عمري ما بدخله ولا بحب ادخله اذكر أكلة مميزة أعددتها بنفسك و طريقتها ان أمكن ؟ مبعرفش صدقيني ههههه انا كوباية الشاي ممكن اعملها بالآكراه بس الآكلات اللي كنت بعملها مكنتش بعملها ف البيت غالباً لما كنت مسافر او ف الشغل واكتر اكله ماهر فيها الجبنة القديمة والعيش بالبسطارمة اعمل اي حاجة م الاتنين دول ستاشر نفر يجو ياكلو اكلي ههههه متى أخر مرة ملكت فانوس رمضان ومن أهداه لك ؟ ممممم زمان اوي ..من آمي ..وفي واحد كدا من حد الله يسهلو اتكسر اساساً ..دلوقتي فرحتي برمضان اني اجيب فوانيس لآخواتي البنات كل سنة بجبلهم اى حاجة جديدة بتنزل ف الفوانيس لحد ما اخر مرة دي كانو عاملين معرض ف الارض بتاعة الشقة ومطلعين الفوانيس بتاعة الرمضانات كلها ومشغلنها وبيتصورو معاها ..دي بنسبالي الفرحة بصراحه هل تتابع المسلسلات التي تعرض في رمضان ؟ عيب عليكي الكلمة دي ^^ بشوف الكاميرا الخفية بس ههههه اة وعشان مبقاش كداب قبل صلاة الفجر كدا وقراية المصحف اخواتي بيكونو مشغالين مسلسل اسمه نيلي وشريهان بتفرج معاهم ..غير كدا مفيش وقت ما رأيك فيما يقدمه التليفزيون الآن في رمضان ؟ مش هقدر آفيدك لآني حكيتك بآني بجد مش عارف اقول رآيي ومش قادر آتابعهم ومش زنبي آكون ف الشهر مش فاضي وآصلاً ذنب ع الفاضي نشوف حكايات تقدرنا وكمب بنات تفطرنا ويدخلو بيتي بآديا وبرضه بيدخلو بيتك آنا بالفعل مش هقدر آرد عليكي وآفيدك هييييييه انت بتقول اييييييييييه هههههه حلو الكام بيت دا ^^ ما هو المسلسل أو البرنامج الذي يذكرك دائما برمضان قديمًا ؟ ليالي الحلميه زمان وارابيسك والفوازير بقة وبوابة الحلواني ورد قلبي والآميرة آنجي والزمن دا ^^ كيف تستعد لاستقبال العيد ؟ بلبس لبس العيد ما هي مظاهر العيد في مدينتك ؟ العيد فرحة مفيش كلام هل تشتري ملابس للعيد الى الان ؟ اها بصراحه ولو انا طنشت علي نفسي امي تنزل تجبلي هدوم هدية ههههه هل تأخذ عيدية ام تعطي؟ لاء بدي بصراحه الكحك و البسكوت واخواتهم من مظاهر العيد عند الجميع هل تصنعه في البيت ام تشتريه وماذا تفضل ؟ آمي لازم تسخرنا كل سنة ف الموضوع دا مع ان الزمن اتقدم وفيه جاهز وربنا بس هي كيفها كدا كيفيها روح هاتلي صاجات تعلالي عشان تودي الصاجات ومرار طافح هههه موقف حدث معك في العيد ولن تنساه ؟ والله ما فاكر بجد كلمة لاعضاء منتدى بنات مصر؟ بحبهم كلهم والله بلا آستثناء واللي آعرفه واللي معرفهوش ..والمكان نفسه بحبه جداً ..وآي حد زعلان مني يسامحني وكل سنة آنا مبحبش حد يزعل مني عامة وانا مفيش جواية لآي حد حاجة وحشة حتي اللي مختلف معاهم او اللي باعد عنهم ^^ ربنا يسعد الجميع وكل سنة وانتو جميعاً طيبيين ورمضان كريم وتعبتيني ياايمان ربنا ع المفتري الى هنا تنتهي حلقتنا شكرًا لك نورت الحلقة وكل عام وانت بخير هدية بسيطه من البرنامج يارب تعجبك انتظروني بكرة ان شاء الله وحلقة جديدة تحياتي