مش فكرة حاطط اكرامي في دماغي يامعلم ولكن بتكلم علي اداء
كارثي بيقدمه شريف من فتره كبيره بشكل عام وأما بخصوص الاحصائيه
ف مش مشكلتي إن ناديك اللي هو سيد العالم معلمكش إن الحكم علي
مركز حراسة المرمي مش بالطريقه دي بشكل عام الاحصائيه ممكن
استخدمها بين لاعب في مركز ومعاه نفس اللاعب في مركز ولكن
حراسة المرمي هنا ليها حسابات خاصه بمعني ايه ؟
بمعني
إن مثلا لو إكرامي داخل فيه ( 50 ) هدف
والشناوي داخل فيه ( 25 ) هدف
هنحكم بينهم ازاي يامعلم ؟؟
هنشوف هل الـ ( 50 ) هدف اللي دخلو في اكرامي دول غلط منه هو ؟؟
ولا غلطات دفاعيه وهو مايتسألش عنها ؟؟ ونفس الكلام الشناوي
ومن هنا نحكم علي حارس وحارس ونختار الاقل غلطات
وبعدين اتمني مراجعة المباريات الحاسمه اللي خسر فيها الاهلي
وهاتلي سبب رئيسي ورا الخساره غير اكرامي ،
وهاتلي المباريات اللي دخل في الاهلي اهداف فيها وهتلاقي معظمها
اخطاء من اكرامي نفسه بشكل عام عكس الزمالك مثلا
جنش أو الشناوي ممكن يكونو متألقين في مباراه
ولكن بخطأ دفاعي يدخل فيهم اهداف ، بس ميتسألوش عنها
وأكبر دليل علي كلامي هدف المصري الثاني في الزمالك ،
شوفت ردة فعل الشناوي مع الكوره في البدايه ؟؟
وهتبص بعدها تلاقي الهدف غلطه ان مفيش تغطيه من المدافعين مع الحارس
متعرفش الكلام ده ولا ايه يامعلم ؟؟
وأما بخصوص اللي اكرامي نزله عموما
بعيد عن أي حاجه عموما نتمني له شفاء بنته وبتمناله هو شخصيا
التوفيق في الفتره اللي جايه
وصحيح يامعلم
مش انا بس اللي شايف اكرامي وحش أو مش حلو جماهير ناديك برضه
هي اللي هتفت بعد الخساره " ارحل يا اكرامي " وجماهير ناديك برضه
هي اللي هتفت الموسم اللي فات " لاعيبه عاله مفيهاش رجاله " وقت
ماتش أورلاندو ، يعني مش لوحدي اللي بتكلم علي شريف ،
الفكره ان موضوع شريف شغال كتير اليومين دول في كل مكان
وطبيعي ان اتكلم بما اننا متابعين الاحداث أول ب أول
أخيرا
الاهلي تقريبا دخل في مرماه 23 هدف
والزمالك دخل في مرماه 24 هدف
هاتلي احصائيه بقي بين الاهداف هنا وهنا
وقولي بقي مين أكتر حارس يتسأل عن أكبر عدد من الاهداف
فيه فرق بين خطأ دفاعي الحارس مايتسألش عنه
وبين خطأ من الحارس نفسه نتكلم عنه ،
الشناوي له غلطات وقاتله
اكرامي له غلطات وقاتله
حراس العالم كله ليهم غلطات وقاتله
ولكن لما نيجي نختار يامعلم يبقي نختار
" الاقل خطأ "
منور يامعلم