الموضوع
:
منايا في رمضان
عرض مشاركة واحدة
منذ /
07-05-2016, 09:10 PM
#
1
ايمان طلعت
أداره عامه سابقا
رقم العضوية :
95527
تاريخ التسجيل :
Dec 2013
العمر :
43
الجنس : ~
امرأة
المكان :
الاسماعيليه
المشاركات :
42,886
الحكمة المفضلة :
رب استرني فوق الارض وتحت الارض ويوم العرض عليك
النقاط :
درجة التقييم :
3750904
قوة التقييم :
1876
MY MmS
أوسمة العضو
منايا في رمضان
السلام عليكم ورحمة الله وبركاته
كل عام وانت بخير
بعمل برنامج بمناسبة الشهر الكريم
حواء في رمضان
يشرفني ان تكون ضيفه فيه
الشرف ليا أكيد إيمي
كل عام وانتي بخير
كيف تستعدي لاستقبال الشهر الكريم ؟
رمضان شهر فضيل بننتظره من العام للعام
بنحاول فيه نزكي نفسنا بقدر الامكان
شهر رمضان شهر مختلف عن باقي الشهور
فماذا يعني لكِ رمضان ؟
يعني لي الصفاء والهدوء ونقاء النفس
وتذكرة أبي وأمي رحمهم الله وأسكنهم فسيح جناته
رمضان من غيرهم غير..
ما هي مظاهر رمضان في بيتك و مدينتك ككل ؟
بما إني عايشه مع أخويا وأولاده فبتكون الزينه أهم شي
ونتخانق انا وهما مين يشتري الفانوس وبختاره أنا طبعا
في المدينه ككل بيكون شكلها مختلف ومظاهر رمضان بتكون بشكل جميل جدا
ما الشيء المميز جدًا بكِ في رمضان؟
الهدوء والسكينة
يومك الرمضاني كيف يكون ؟
بنام بعد صلاة الفجر ونصحي علي الساعه ١١ نعمل شغل البيت
ونصلي ونقرأ الورد اليومي
وبعدها نشوف هطبخ ايه وكده
موقف حدث معكِ في رمضان ولن تنسيه ؟
خبر وفاة خالتو الله يرحمها كانت بمثابة أمي التانية
رمضان مشهور بالأكلات و العصائر والحلويات
فما هي الأكله المميزة لرمضان في بيتك
وأي من الأكلات تحبي و المشروبات والحلويات ؟
العصاير ده شي أساسي المانجه....والتمر هندي بنعشفه
المكرونة البشاميل..
هل تدخلي المطبخ في رمضان وان دخلتي ماذا تفعلي ؟
أنا تقريبا عايشه في المطبخ في رمضان او غير رمضان ...ربنا يخلي ولاد أخويا
وتعبهم ...
اذكري أكلة مميزة أعددتيها بنفسك و طريقتها ان أمكن ؟
الجلاش باللحمه المفرومة..
نص كيلو لحمه مفرومه..بصله ...معلقتين سمنه ..وكوباية لبن ..والبهارات
وفي ناس تحب تضيف معلقتين صلصة..
بتسوي اللحمه في السمنه والبصله المتحمرة وضيفي ليها الملح والبهارات
وتدهني الصنيه سمنه ونرص ورق الجلاش ونضيف بين كل طبقة سمنه خفيف جدا
ونضيف اللحمه في النص ونكمل رص الجلاش....ونقطعه بالسكين ونضيف اللبن
ونضعه في الفرن علي نار هاديه مع المتابعه..وبالهنا والشفا..
متى أخر مرة ملكتي فانوس رمضان ومن أهداه لكِ ؟
من سنين قبل وفاة بابا وماما.رحمهم الله وأسكنهم فسيح جناته
من بابا الله يرحمه..
هل تتابعي المسلسلات التي تعرض في رمضان ؟
لا ..مش من هواة مشاهدة التليفزيون
ما رأيك فيما يقدمه التليفزيون الآن في رمضان ؟
يتفنون بكل الطرق في إلهاء الناس ....ويتسارعون علي المادة عوضا عن الإيمان.
الله المستعان...
ما هو المسلسل أو البرنامج الذي يذكرك دائما برمضان قديمًا ؟
برنامج الشيخ الشعرواي رحمه الله عليه...وبكار أكيد
كيف تستعدي لاستقبال العيد ؟
النتضيف والغسيل وأظن كل بنت وست عارفه ده كويس
ما هي مظاهر العيد في مدينتك ؟
الصلاه في الخلاء ...ومشاهدة جمع الناس وهي خارجه من الصلاة
مشهد في منتهي الجمال...ومصافحه الناس والجيران تعيد علي بعضها
هل تشتري ملابس للعيد الى الان ؟
لا خالص ...بنخرج نشتري لأولاد أخويا
هل تأخذي عيدية ام تعطي؟
لا باخد من أخواتي طبعا
الكحك و البسكوت واخواتهم من مظاهر العيد عند الجميع
هل تصنعيه في البيت ام تشتريه وماذا تفضلي ؟
كانت ماما الله يرحمها تعمله في البيت علي طول...
حاليا اخويا بيشتري
موقف حدث معكِ في العيد ولن تنسيه ؟
بصراحه مش فاكرة شي
كلمة لاعضاء منتدى بنات مصر؟
كل سنه وأنتم طيبين وبخير وسلام
وتقبل الله منكم الصيام والقيام وجعلكم من عتقاء الشهر الكريم
ويارب دايما أسرة واحدة متحابه
تسلمي إيمي علي الاستضافة
الى هنا تنتهي حلقتنا
شكرًا لكِ نورتي الحلقة
وكل عام وانتِ بخير
هدية بسيطه من البرنامج يارب تعجبك
تحياتي
ايمان طلعت
مشاهدة ملفه الشخصي
إرسال رسالة خاصة إلى ايمان طلعت
البحث عن كل مشاركات ايمان طلعت