 هتحـــــلا أكيـــــد
لو نشبك إيد في إيد
مين هيقدر يفرقنا
ساعتها الدنيا هتحلا أكيد
ومن شهد الأمل هتدوقنا
لو نسئل ونقرب من البعيد
لو نبوح بمحبتنا واشتياقنا
هنعيش كل يوم بإحساس جديد
مفيش ملل وروتين هيخنقنا
مهما كان حزنك خليك مبتسم سعيد
وكفاية إنك ف معية اللي خلقنا
دنيا مش مستاهلة تعيش فيها وحيد
عيشها وعايشها كده وروقنا
غير إسطوانتك متخليهاش ترجع وتعيد
كده هتمل منها وتزهق وتزهقنا
عشان بحبك عايزلك الخير يكبر ويزيد
وربنا يرزقك الرضا والرضا يرزقنا
سيبك من الماضي عمره الندم ما يفيد
عيش الحاضر وبكرا اسمع كلامنا وصدقنا
اعمل اللي انتا عايز تعمله
بس اوعى يغرك شبابك وتهمله
قطر الحياة لسه ماشي
والدنيا دي ما دايماشي
احجز تذكرة الأمل واركب انتا ف أوله
سيبك من اللي هتشوفه في السكة
وخليك مركز بس على آخر السكة
جايز تنزل في مكان تاني غير اللي نفسك توصله
شــــــــــــــــــــــــــــــــــــــ . حـــــــــــــــــــــــــــــــــــــــ
|