منذ /07-18-2016, 09:09 AM
|
#1 |
قلم مبدع
| نبتدي منين الحكاية ، شاعر العامية قد إيه صعبة الحكاية
إني أحكي للنهاية
إني أقول إني انجرحت
وإن قلبي مش معايا * * * * * نبتدي منين الحكاية * * * * * في عتمة ليل الدنيا ظلماني
جرحه الصبر وجرحاني
وسودة الدنيا ف عينيه
الاقي عينيها محوطاني
وملكه القلب وملكاني
في وسط اليأس والتجريح
أمل ينعش هبوب الريح
قلت دا قدري ونصيبي
إني أعيش العمر ليكي
وفضلت أحلم إني معاك
وإن هوايا أكيد هواك
ولإني فقير ،، كنت لظنوني أسير
وقولت ليكي أنا مش أمير
وإنك حياتي رغم القليل
قولتي ليه حبك كفاية
السما والأرض .. قلبك
يبئا إيه يفرق معايا
قلت دا فرحي وهنايا
لاجلك هسافر وحقق منايا
ورجعت بعد الغربة ليكي
مشتاق لهمسك ، نظرة عينيكي
لاقتني ليه عنك غريب
معقوله حبي وقلبي نسيت
الفلوس ضحكت عليكي
غيرت لمست إديكي
الحنان اللي في عينيكي
هبعد رغم جرحي
والأسى هو طرحي
البداية قصة كفاحي
والنهاية هي نجاحي رجعه تاني قولي ليه
بعد القساوة عايزه إيه
الدموع اللي في عينيكي
كدابين فتنوا عليكي
عامله فيها دور ضحية
مسرحية وتمثلية ،، والحقيقة
هي هي ..........
مش هقول الحب مات
واندفن ويا السكات
اللي راح عدى وفات
لسه بحلم من جديد
إني أعيش حب سعيد
حب يكبر يبئا فرح
يبئا لمة في أحلي عيد فصيح |
|
|
|
التعديل الأخير تم بواسطة ويبقى الأثر ; 07-18-2016 الساعة 01:47 PM |
| |