[حازم34]

السلام عليكم ورحمه الله وبركاته تحيه طيبه حقيقي والله تعبت خالص بعد قراءتي لموضوع الاخت لميس عن الاب وفقده والحياه وهو راح عنا وعندي صداع من لحظتها وقولت اشارك كان يا ما كان في يوم من الايام خرجت انا وهو ومسك يدي ومشينا الطريق سوا وكانت فرحتي بالدنيا وروحنا لارضنا وجلسنا انا وهو وقال يا صغير انت وفرحتي انتي حياتي واملي وبنظرتي اليك بكون اسعد انسان بالدنيا يا بني خلي بالك من ارضك واخواتك لازم تكون راجل ملو هدومك وتاخد اخواتك بحنانك وكانك انا ولاحظت الدموع تجري في عيونه وسالت علي خديه وانا صغير وضاقت عليا دنيتي والحزن في صدري الم يجرح ليه الكلام دا يا ابي انت بالدنيا وانت السند ربي يخليك وتعيش ميه سنه ودموعي سالت علي خدي وعرفت المقصود من كلامه احساس بالفراق منه عمري ما فكرت انا انا فداك يا ابي وروحي متعلقه بيك ولايمكن اعيش دنيتي وانت الروح والهنا ابتسم وقال يا ابني انا بقول كلام وبنصحك خليك راجل همام انت مليت قلبي وانت واخواتك لي سعد وهنا جلست وسرحت كتير هل يمر يوم من غير ما اشوف ابتسامتك وفرحتك بيا يااااااااااااه علي الدنيا بدونك لايمكن اعيش انا قالي سارح فيه يا ابني قلت بدعي ربي يطول عمرك واتمني اروح قبلك وانت تعيش ميه سنه ابتسم وقال جلسه رجال لاتحزن يا ابني العمر بيد ربنا بس لازم تفهم كلامي وهو ربك المعين والسند ورجعنا الطريق تاني والحزن في عيوني وهو حاسس بيه وخدني ووداني عند قرايبنا عماني وعماتي وجلسنا لما حس اني ابتدايت انسي الحزن قال لعمتي ايه رايك في الولد دا مغلبني ولابيسمع كلامي ردت وقالت لا دا ابنك وعارفينه قطعه منك وحسينه قلب جميل زيك يا ابو الهنا والله وبعد سنه غربت الشمس ورجعت بيتنا لقيت عماتي وعماني جالسين والقمر في وسطهم ظاهر وهو كدا من سنين اوما براسه تعالي واخدني جنبه وجلست مش عارف ايه الحكايه قالوا لي حمه وهتروح وابوك كويس ولازم تروح الان مع ولاد عمك وعماتك اخرج الان يا حبيب الروح خلي ابوك يرتاح وهو ماسك يدي وضغط عليها ولا بيكلم وسامع همهمه وتسبيح واكيد كانت حلاوه الروح خرجت انا ولايمكن يكون في تفكيري ساعه فراق والا كنت بحضنه حتي لو اموت انا وساعه العشا اذن المؤذن حسيت انا بصدي صراخ وعويل وكنت بعيد والله حسيته وناديت باعلي الصوت اكيد فيه شئ حسيته انا وخرجت اجري الي البيت الوجه مسجي والدموع سايله علي كل اهل البيت حسيت بصدمه لايمكن انساها انا عمتي اخدتني بحضنها وقالت يا ولد انت راجل البيت وابوك قال كلام جميل لوتسمعه ما تبكي ولا تخلي بالبيت عويل وانا مصدوم مش قادر اصدق ان البيت هيخلي من روحي انا وعشت حزين ولم ادخل البيت شهرين وكنت امشي كل طريق مشيناه سوا ورحت المكان ال كنا فيه وجلست والدموع لايمكن الا ان تسيل نهرجاري وافتكر كلامه ليا وامي واخواتي ياااااااااااااه علي الدنيا اصعب ما فيها الفراق للاحباب الاب هو السند بعد الله وشوفت المر الوان من غيره واعتمدت علي ربنا وناديت عليه يا رب انا صغير حرمتني من حنانه فالصبر يارب علي فقدانه وتخلي لي ام الحنان كله امي روحي وكياني ياااااااااااااااااااااه علي الدنيا لاتسوي ابدا فلابد نعيش فيها كما امر ربنا وحشتني يا اجمل حبيب وحشتني يا اطيب قلب في دنيتي وحشتني وبدعوا ربي نكون سوا في جنه الخلد علي الارائك واشوفك سعيد ومتهني والله وحشتني حبيب روحي وحياتي وتعالي شوف ابنك ماشي علي الدرب بس والله يا ابي تعبت انا بدونك الدنيا لاتسوي وفراقك الم الم وعذاب بس هنقول ايه دا قضاء ربنا انا لله وانا اليه راجعون ودي الصبر كله ال صبرتنا علي فراقك يا طيب القلب يا جميل اللقا غصب عني كتبتها والله لاني اليوم كان صعب لما قرات مش قادره اعيش