[شريف القناوى]

4 - هدهود
هدهود حب وايه يعنى
الحب مش عيب يا خلى
يا عينى بص للسماء
وحب كنارية ملونة
ايه رماك على المر
لاهى من توبك
ولا انت من ناسها
يصرخ والدمع في عينه
الحب مفهوش
لا تحت ولا فوق
اصحى يا هدهود الطريق مقفول
واللى قبلنا قالوا كتير
عن اخرة الطريق
شوك وجرح مره طويل
هدهود اتجنن ومش سامع
سادد ودانه ومش راجع
رايح شمال ويمين
من غصن لغصن طاير
وليا الكناريا هتكون
تعال يا هدهود
واسمع بقه الشروط
عشه في السماء بين النجوم
والقمر اباجورة وقت اللزوم
والقش من كل حته في الكون
ولا المهر مش تقول
من كل الحبوب يكون
الشبكة ابسط من كل دول
لولى تحت البحر موجود
هدهود يسمع ويسمع
والشروط ما لهاش حدود
وعنيه تلف وتدور
وقع من فوق الغصن
مغمى عليه مكسور
جناحه وقلبه المجنون
اللى حب ونسى انه
في الاخر انه هدهود

شريف القناوى – واحة القناوى
https://www.facebook.com/ELQENAWY2015/