[شاعر الحب الحزين]

قد ما شغلتهم ولا انشغلت بحد غيرها

سايبهم وبحبها وكإن مفيش ف الكون غيرها

مش شايف غيرها بعنيا..وهي مش مهتمة بيا

ولو شفتها زعلانة أجري عليها أواسيها واسايرها

بحب كلامها رغم إنه قليل..شاغلني قلبها وهو تقيل

مليش مطالب مش طالب غير إني أفضل شايفها وكتر خيرها

بحب أحبها كده وعاجبني حالي كده

طب ليه ما تعترفلها ده إيه الحب ده

عشان اعترفت بحبي للي قبلها ولقيتني باعترافي جرحت مشاعرها

مش كلهم زي بعض ما تجرب كده وتقول

ليه تكتم حبك جواك وتخلي الحنين يطول

بكرا يحبها غيرك وياخدها منك ..هتقدر تنساها وتحب وحدة غيرها!؟


عارف حدودي وعارف أنا بتعامل مع مين

وبسكوتي بيزيد في قلبي طعم الحنين

كل اللي عايزه إني اشوفها مبسوطة

سعادتها هي بتمحي جوايا كل شيء حزين

انا حبيتها اه .لكن هتمنالها الخير حتى لو مع مين

وكفاية إني عرفتها ده أحلا ما في الدنيا والسنين



شــــــــــــــــــــــــــــــــــ . حـــــــــــــــــــــــــــــــــــ