 بنتي.. ياجمل حاجة حصلتلي
حاجة اتاخرت كتير اوي اني اكتبها
بنتي وقلبي سيلا اللي في صورتي الشخصية دي
عمرها سنة اربع شهور و16 يوم بالتحديد
وبعتبر دي من اجمل واحلي الكلمات الي كتبتها
يارب يخليكي ليا ياقلبي
احلي حاجة حصلتلي
اكيد انتي
ولو سالوني مين اجمل
هاقول بنتي
في برائتها
في لعبها
ملامحها
حتي شكلها
مين في الدنيا دي زيها
وهيا الدنيا وحبيبتي
ياجمل حاجة حصلتلي
تقول بابا
الاقي الدنيا تتغير
الاعبها
وكاني طفل صغير
شقاوتها
ويا ضحكتها
في زعلها
ولما اسكتها
من وسط كل الناس
دي اللي بجد ملكتني
واجمل حاجة حصلتلي
في عينيها
كل معني جميل
اختصرتني في واحدة بس
والاسم اسيل
بابا دي لما تقوليها
بعشقها بالتفاصيل
حتي في زعلها
بتبان جميلة
وهي دي اميرتي
بنتي
ياجمل حاجة حصلتلي
Ahmed adel
28-7-2016
|