[العاشق الذى لم يتب]

اوعدك

مش هزعل تانى

أوعودك مش هعاتبك

ولا حتى من حقى أزعل ولا أعاتب

وليه أزعل ولأيه أعاتب

وأنا اللى الحظ عليا غاضب

أوعدك مش هزعل تانى

وليه أزعل وليه أعاتب

وأنا اللى كنت فاكر أنى حابب

أتارى الحب منى غاضب

وليه أزعل وليه أعاتب

وأنا اللى كنت فاكر

بعرف الصحبة ولى صاحب

أوعدك مش هزعل منك تانى

وليه أزعل وأنا طلعت أنانى

وطلعت من الانسانية خالى

مش من حقى أزعل ولا أعاتب

فانا اللى قلبه مات

وضميرى تراب

وأنا الدنيا رفضانى

خلاص مايهمنيش شيئ تانى

بقيت سراب

ونسينى الاهل والخلانى

وليه يبقى عندى ضمير وقلب

يحس ولا يحب تانى

أهو أيام بتعدى والسلام

وحتى منى ممنوع يستمع الكلام

أنا هنام

فى الدنيا زى أموات

لحد يوم القيام