[morshooo]

بسم الله الرحمن الرحيم

مزاج الخير

يارب محدش يعترض على سؤال فيها يااااااااااارب

تعالو نشوف حلقه النهاردة

1/ اوعد الاعضاء ان اجاباتك كلها هتكون بصراحه ؟
ماشي يا عم اجاوب بصراحه




2 / مسجل اسم المدام ايه على الموبيل بتاعك ؟
مش مهم يكون اسمها ايه علي التلفون المهم مكانها فين في القلب
بس انا مسجلها اسمها علي الموبيل باسم العائله بتاعتها




3 / لما بترجع مصر بتعمل باسورد لموبيلك والا لا ؟
والنبي لو عمل باسورد هفتحو غصب عني هههههه
انا بقفل الفيس وبقفل المنتدي وبسبلها التلفون خالص




4 / لو المدام مسكت موبيلك بتقلق والا عادى ؟
بقولك الموبيل بيكون معاها اصلا الثقه اهم من اي شي




5 / أمك شبه مين من الفنانيين ؟
لما تقولي امك شبه مين الاول انا اقولك




6 / اغرب اسم بعتلك اضافه على الفيس ؟
شربه ببسي ونسيا اسمي




7 / بتحب الورك والا الصدر فى الفراخ ؟
والله اي مكان في الفرخه باكلو مش بحب انقي




8 / جربت قبل كدا تعملى دماغ بسيجارة او شيشه او اى حاجا ؟
عمري في حياتي ما شربت سجاير ولا شيشه ولا اي حاجه من دي




9 / كان نفسك تكون ايه لما تكبر ؟
انا كبرت خلاص
بس نفسي اكون رجل اعمال والحمد لله انا دلوقتي في نص الطريق راجل باقي الاعمال




10 / لو البت صافينار شافتك واعجبت بيك وطلبت تتجوزك هتعمل ايه ؟
مش بحب اجوز واحده كل الناس شافت جسمها حتي لو ملكه جمال الكون




11 / بعد انتشار بيومى فؤاد فى رمضان الى فات تقترحى عليه يظهر فى ايه تانى ؟
انا معرفوش اصلا اول مره اشوفه كان في مقلب رامز جلال




12 / لو راكب ميكروباص وقاعد جنبك ولد وبنت وبيعملو حاجات غير لائقة ؟ هتعمل ايه ؟
اعمل فيها مش شايف حاجه خالي الناس تاخد رحتها هههههه
حصلت كتير هنا في ****************** واحد وواحده بيكونو في السياره وبيعملو كده وبعمل
فيها مش شايف حاجه خالص




13 / بعد ما بتشرب البيبسى بتكرع بصوت عالى والا لا ؟
ده علي حسب المزاج لما بيكون لوحدي ممكن اعملها
امال لما اكون مع الناس مستحيل طبعا




14 / ايه رد فعلك لو شوفت البنطلون المقطع من ورا نزلت مصر وبنات لابساها ؟
ولا اي حاجه اكيد كل واحده بتلبس هدوم حسب تربيتها
اللي تلبس كده اكيد مش محترمه واهلها كمان مش محترمين




15 / وانت فى مصر كنت بتقضى يوم الوقفه ازاى ؟ خاصه البلاوى ؟
انا بقالى 3 اعياد بحضرهم فى ******************
لكن اقولك على اخر وقفه حضرتها فى مصر
كنت سهران مع اصحابى وروحنا اشترينا فاكهه ونزلنا المركب بالليل
ولما خلصنا الفاكهه رمينا بعض فى الميه وفضلنا نغرق بعض
ونهزر فى الميه دى اخر وقفه حضرتها فى مصر




16 / أمك كانت بتصحيك ازاى وانت صغير ؟
بتنصحني عادي بتتكلم معايا وانا بفهم بسرعه




17 / ايه اكتر جمله مامتك بتقولهالك وهى مدايقه منك ؟
يا مجرم




18 / اخر مره عاكست بنت قولتلها ايه ؟
مش بعاكس بنات انا هما اللي بيعكسوني
اخر مره دي كانت قبل ما اسافر اكيد مش فاكر




19 / ايه الاغنيه الى معلقه معاك اليومين دول ؟
خليها علي الله
بتاع مصطفي كامل




20 / ايه رئيك فى البرنامج ؟
اكيد مش حلو طبعا
بس انا رديت علشان متعيطش




كان معكم من قلب الحدث

محمد رمضان