منذ /08-27-2016, 02:27 PM
|
#1 |
| فى ضيافة اعضاء زمان(جبل عالى) أهلا وسهلا بأعضاء منتدانا الغالى وأول حلقة من برنامج فى ضيافة أعضاء زمان ومعانا النهاردة عضوة مبدعه من اعمدة المنتدى ساهمت بشكل كبير فى تميزة ونشاطه وقدمت الكثير من القصائد والمواضيع مقالات او نقاش ومسابقات أفادت الكثير من الاعضاء ده غير نشاطها الاشرافى المميز منتدى بنات مصر بيفتخر بكل الاعضاء فيه وخاصة المميزين ومن يمتلكوا روح الاخوة الجميله وبنتمنى يفضلوا مكملين معانا دايما رحبوا معايا بالمبدعة جبل عالى مشرفة الابداعات الادبيه والعاميه *وتر يقطر ألـم* أهلا بيكى فى برنامج فى ضيافه اعضاء زمان هاسمح لنفسي اكون ضيفتك ولو لدقايق اعرف فيها منك بعض الذكريات عن تواجدك فى المنتدى من اول ماسجلتى بس الاول لازم تعزمنيى على حاجه اشربها على زوقك ده انا ضيفتك فى منتداكى اهلا وسهلا ونورتيني اكيد والله وليكي وحشة فعلا عينيا اكيد بس اؤمري عايزة ايه ... ده انا هاجيلك كل يوم ياجبل حضرك طبعا مش محتاجة نتعرف عليكى لكن عشان الاعضاء الجداد يتعرفوا ممكن بعض المعلومات الشخصيه عنك زى الاسم والبلد ومحل الاقامة والوظيفه ؟ الوظيفة ...أم طلعان عينها😂😂 حضرتك مسجلة فى المنتدى من سنة كام؟ ايه سبب اختيارك للنيم بتاعك؟ بيعبر عن الواقع اللي باعيشه فاكرة اول قسم شاركتى فيه واول موضوع؟ اعتقد كان قسم النقاش ...واول موضوع كان عن تفشي الاخطاء الاملائية وفعلا لفت نظرنا لاخطاء كتير كنا بنكتبها اكتر هوايات بتشاركى بيها هنا؟ اكتر موضوع ليكى بتحبيه وفخورة انك كتبتيه؟ بصراحة كل كتاباتي بحبها وباعشقها لانها حتة مني بس يمكن موضوع خواطر جندي ...وتقريبا فازت ف مسابقه تفتكرى اعضاء مين من ايام زمان كانوا معاكى ؟ في كتير والله ...سكرة ... احمد الحلو ...مهندسة بغداد ...زهرة النسرين وناس كتير اوي غيرهم ...لو فضلت اكتب مش هيكفي فعلا كلهم اخوة مبدعين والمنتدى بيفتقدهم منهم انتى يادمعه ربنا يديم تواجدك ههههه تصورى فعلا ميرسي ياامل ويدوم تواجدك فاكرة شكل الاستايل كان ازاى ودلوقت احسن ولازمان؟ مش فاكرة اوي ...بس طبعا لكل فترة جمالها الخاص بيها.. ايه الاقسام اللى كانت موجوده واختفت؟ وايه الجديد؟ معتقدش حاجه اختفت ...الجديد حصرية بعض الاقسام اكتر قسم كنتى بتحبى تشاركى فيه؟ ايه اكتر مسابقه او فاعليات كان بتجمع الاعضاء؟ بالنسبة لى السهرات كانت رووعه...ومسابقة الرحال عن الرباعيات كانت خطييييرة ورائعه...وفزورة ف رباعيه ...كنت بحبها جداا دى حقيقه بتعمل جو مرح وبتحبب الاعضاء فى التواجد فيه فترات غيبتى عن المنتدى كانت مدتها قد ايه؟ هي فترات متقطعه بس معرفش تاريخ ايه بيخليكى تتمسكى بوجودك فى المنتدى وترجعى للمنتدى تانى؟ اكيد العشرة والروح الحلوة اكيد ليكى اصدقاء هنا ممكن نعرفهم؟ بصراحة كتير جدااا ماشاءالله ربنا يبارك قدمتى دعواتى لمعارفك يسجلوا فى المنتدى؟ اكيد وكتير سجلوا ...بس مشاغل الحياة بقااا ايه الاقسام اللى كنتى مشرفة عليها؟ النقاش ...الخواطر ...عالم الرجل ...الابداعان بقسميها لو طلبت منك تقدمى اى فكره لتنشيط الاقسام هاتكون ايه؟ الفكرة هي ....عمل فترة اشراف محددة ولتكن اسبوع او اتنين ويتم ترشيح الراغبين ع الاقسام ويتم تعيينهم الفترة المتفق عليها وبعد انتهاء المدة يتم مراجعة ماقاموا به من انشطة مميزة وافكار ثم يتم تكريمهم بحافز وتتجدد الفترات بالتبادل هاطلب منك اسم عضو او اتنين مفتقدهم تبعتليهم دعوة يرجعوا تانى للمنتدى ونعيد معاهم الذكريات اتمنى يشوفوا دعوتك ويرجعوا تانى يتواجدوا معانا نصيحة تقدميها لكل عضو فى المنتدى وخصوصا الجداد نصيحتي ...حبوا المكان بكل مافيه .... ايوة وخصوصا دمعه حائره ههههه بشكرك على قبول الدعوة وعلى وجودك الدائم فى المنتدى ومنتحرمش من تواجدك المميز انا اللي باشكرك جزيلا على ها الموضوع القيم وفكرته وفى نهاية الحلقة بشكر جبل عالى على تشريفها البرنامج وتواجدها المميز وبقدم ليها شهادة شكر وتقدير شكرا جبل عالى لتواجدك ووفائك للمنتدى طول السنين اللى فاتت
واتمنى ليكى دوام الصحة والعافيه
وتفضلى متواجدة فى المنتدى
واحب اشكر لمار على تصميم الشهادة |
|
| |