منتديات بنات مصر - عرض مشاركة واحدة

Eng Esraa · منذ /08-29-2016, 11:52 AM

صباح الخيير

و بنرجع مرة تانية للتوبيك اللي كان
هيطير فيه رقبتي من ريا و سكينة ( و هما عارفين نفسهم )

تاني توبيك من مسابقة " خمن "
التوبيك الاول .. كان العضو المجهول " فصيح "
و اللي كان ممكن المشاركات و النجوم تبقي بتاعته ..
لو كانت هاجر مش جاوبت صح

و طبعا هاجر جاوبت صح و للاسف كسبت المرة اللي فاتت

هنيجي بقا نتكلم انهاردة ع العضوة المجهولة عندنا .. اللي هي
متعرفش اصلا ان هتكلم عنها يعني ممكن جدا تلاقوها بتخمن معاكوا

العضو/ة اللي معانا انهاردة .. من اللي دايما موجودين معانا ...
و لاكن ف الفترة الاخيرة دي الله اعلم بدا يقل التواجد منه/ها ..
ممكن شوية كده و يختفي خالص

و من الناس بردوا اللي بنلاقيهم منتشرين ف جميع ارجاء المنتدي
بلا استثناء ... و جميع الاقسام
و بالنسبة لعدد المشاركات ف هي ماشاء الله مش عارفة
عملتهم ازاي اللهم لا حسد

و تاريخ التسجيل مش من قريب ولا حاجة ...

هنيجي بقا لشوية معلومات شخصية ...

هي / هو من الناس اللي محبوبة هنا طبعا ...
مفتكرش شفت منه حاجة سلبيه .. و لا ايجابية

لا طبعا .. من الناس اللي مكملين المكان ده فعلا ...
دايما اكترنا بيحب ياخد رايها ف بعض الحاجات هنا ...
و من الناس اللي نقدر نقول عليهم روحها حلوة ف المكان ...
و بتحب الهزار و الرخامة .. و ركزوا ع الرخامة دي

و بس كده كفاية بقا ...

هفكركوا بالمشاركات تاني 100 مشاركة
و النجوم 2 نجمة ...
و عدد المرات المسموح بيها للتخمين للعضو .. 3 مرات بس
و مش مسموح ان نخمن اسم عضوين مع بعض ...
حتي لو الصح فيهم هاخد الغلط بردوا

و الله الموفق و المستعان