[دمعه حائره]

أهلا وسهلا بأعضاء منتدانا الجميل
ويتجدد اللقاء ونعود بالذكريات الجميله
مع اعضاء زمان
اللى منتدى بنات مصر بكل اعضاءه
فخور بوجودهم
والنهاردة معانا عضو من اعمدة المنتدى
وساهم بشكل كبير فى نشاطة وخصوصا قسم اليوميات
وقدم كتير برامج ومسابقات ممتعة
معانا النهاردة أحمد مروشو

morshooo
مشرف سابق



أهلا بيك فى برنامج فى ضيافه اعضاء زمان
هاسمح لنفسي اكون ضيفتك ولو لدقايق
اعرف فيها منك بعض الذكريات
عن تواجدك فى المنتدى من اول ماسجلت
بس الاول هاتعزمنى على ايه؟
ده انا ضيفتك فى منتداك
اهلا اهلا
منورة البيت والله بما انك ضيفتى
وهعزمك ياستى على واحد
عصير قصب

ههههه مع انى مش بحبه بس مقبول منك امرشد
وشكلك جايبه من عم زعزوعه اللى جمبك
ممكن بعض المعلومات الشخصيه عنك
زى الاسم والبلد ومحل الاقامة والوظيفه ؟
احمد
القاهرة
32 سنه
محاسب قطع غيار سيارات


مسجل فى المنتدى من سنة كام؟
2009
ايه سبب اختيارك للنيم بتاعك؟
اسم العائله
مرشدى
فالنيم كان من هنا
( مورشو )
ودا اسم من صغرى وهو بيتقالى
غيرت اسمك من يوم ماسجلت؟
لا يمكن انا الوحيد او من الناس القليليين
الى مغيروش اسمهم .
انا كمان ماغيرتش اسمى

فاكر اول قسم شاركت فيه واول موضوع؟
كنت بشارك فى الاقسام العامه
تقريبا
اكتر هوايات بتشارك بيها هنا؟
اليوميات والفتره الاخيرة الخزعبلات
نسيت تقول السويتش ماكس
كنت زمان بتعمل تصاميم جميله
اكتر موضوع ليك بتحبه وفخور انك كتبته؟
فى كذا موضوع او سلسله حلقات اهمها
( اجمد عضو )
كان بدايه معرفه الاعضاء بـ ( مورشو )
بعد كدا فى مواضيع تانيه زى
( ظاهرة فى المنتدى )
( صفحات الاعضاء )
فعلا برامج كلها مميزة اتمنى ترجعها تانى


تفتكر اعضاء مين من ايام زمان كانوا معاك ؟
ولسه فيه منهم مكملين؟
اعضاء زمان كان ليهم اسلوب خاص فى الكتابه
غير دلوقتى خالص ومفيش اى مقارنات اكيد
اعضاء زمان فاكر منهم
طارق / لوست / حنون / ميشو
كبرياء رجل / فارما / د.سما / ماتركس
عكاشه / حبر بلا قلم .... الخ
اعضاء كتير طبعا مش هفتكر كله
ربنا يوفقهم كانوا اقلام مميزة
اتمنى يرجعوا يتفاعلوا معانا تانى

فاكر شكل الاستايل كان ازاى ودلوقت احسن ولازمان؟
كل وقت وليه الاستايل بتاعه لو تفتكرى
ايام طارق لما يغير الاستايل نفضل نقرفه
وايه ياعم دا ومش ايه يا عم دا ومصدقنا
ناخد على الاستايل تغيرة هههههه
فموضوع الاستايل بيكون كل وقت وليه طريقته .

ايه الاقسام اللى كانت موجوده واختفت؟ وايه الجديد؟
مش فاكر قوى بس قسم النقاش كان حاجا كدا جبارة
اليوميات كان من انشط الاقسام
الاقسام الادبيه و قلم الاعضاء
مكنوش بيهدو وكان كل شويه توبيك
يخلى الاعضاء تتجمع فيه ويثير الجدل
كل الاقسام دى اختفت ونشاطها بقا قليل جدا
وبيعتمد على عضو والا اتنين والا تلاته فقط
الاقسام موجوده يامروشو انت فاتح منتدى ايه ههههه

اكتر قسم كنت بتحب تشارك فيه؟
يوميات الاعضاء
ايه اكتر مسابقه او فاعليات كان بتجمع الاعضاء؟

مسابقات طارق طبعا
مسابقه بنات مصر الكبرى
كنت بعملها وبيشارك فيها مش اقل من
20 والا 24 عضو
فيه فترات غيبت عن المنتدى كانت مدتها قد ايه؟
مش فاكر اوى بس الواحد بيتواجد
فى المنتدى دائما لان المكان كان يستاهل تواجدنا
دلوقتى الامور اختلفت وعادى جدا
ممكن تغيبى بالشهور تحسى ان مفيش جديد
يشدك للمنتدى عشان ترجعى بسرعه .
بس المهم بترجع تانى
ايه بيخليك تتمسك بوجودك فى المنتدى وترجع للمنتدى تانى؟
زى ما قولتلك انا عن نفسى حبى للمكان
اكبر من خلافى مع عضو مهما كان هو مين
ممكن بسبب حظر مكنش موجود ودا عادى جدا
وحصلت كتير لكن رجوعى تانى للمنتدى بكون متاكد منه .

اكيد ليك اصدقاء هنا ممكن نعرفهم؟
حاليا تقريبا ال بكلم معاهم سواء عام او خاص
جبل عالى / ايمان طلعت / منه الله
حياة / يويا / اسراء
رمضان / بيك بوص / فاطمه
همس الحنين .


قدمت دعوات لمعارفك يسجلوا فى المنتدى؟
مش فاكر بصراحه بس ممكن
واحد والا اتنين قبل كدا
ايه الاقسام اللى كنت مشرف عليها؟
السويتش اول ما اتعمل
يوميات الاعضاء
لو طلبت منك تقدم اى فكره لتنشيط الاقسام هاتكون ايه؟
مش فى دماغى بصراحه بس بينى وبينك
الواحد زهق من جو المسابقات الى ماشى فى المنتدى
فالمفروض نخلى المنتدى
مسابقات بنات مصر
هاطلب منك اسم عضو او اتنين مفتقدهم تبعتلهم دعوة
يرجعوا تانى للمنتدى ونعيد معاهم الذكريات
بصى انا عن نفسى من اكتر الاعضاء الى عايزهم
طارق
عشان يرحمنا شويه من الى فى المنتدى
والملل الى موجود دا ومتاكد انه لو رجع هيرجع
المنتدى تانى او على الاقل هينشطه .
طارق ربنا يوفقه واكيد من الاعضاء
اللى نتمنى يرجعوا تانى
بس ابدأ بنفسك يامرشد ورجعلنا النشاط انت واخواتك
نصيحة تقدمها لكل عضو فى المنتدى وخصوصا الجداد
اقولهم ماتبخلوش على المنتدى بمواضيع
صحيح المنتدى نايم شويتين لكن هيقوم بيكم
نصيحة جميله وكلام عاقل
المنتدى باعضاءة بينشط
بشكرك على قبول الدعوة وعلى وجودك الدائم فى المنتدى
ومنتحرمش من تواجدك المميز

انا سعيد بالاسئله وفكره التوبيك
واتمنالك التوفيق .

وفى نهاية الحلقة بشكر مروشو جدا على الاستضافة
وبقدمله شهادة شكر وتقدير على اخلاصه للمنتدى
واستمراراه معانا واتمنى يفضل متواجد دايما هو واحفاده

شكرا للمتابعه وشكرا لمار على تصميم الشهادة
فى امان الله