[شاعرة الرومانسيه]

عايزه أفـــــــوق يوم من حياة فتاه عصريه أو نقول الواقع الى حاليا بنعيشه تقوم من النوم ايديها على التليفون تراجع اخر الرسايل على الفيس وتويتر والواتس وتبدأ ترد على المسجات اما اقوم على السريع كدا افطر واعمل شوبنج طيب وايه يخرجنى احسن شىء اتسوج نت وادردش مع اصحابى لسه هاقوم والبس واخرج فتحت الفيس عليه اكثر من 1000 صديق وكذالك كل مواقع التواصل وبرغم كدا حاسه حالى وحيده بتنتهى بمجرد غلق الأكونت وارجع تانى للملل والوحده قعدت مع حالى لاصديق حقيقى ولا صلة رحم ولا زمايل دراسه ولا شغل ولا علاقات اسريه او اجتماعيه طيب ايه قيمة الحياة بدون صلة رحم بدون اهل وأصدقاء وأحباب وجيران ومشاركه ليه بقت حياتنا مجرد حروف وارقام خلف شاشه بقينا نشارك افراحنا واحزانا واعيادنا وجميع أمور حياتنا فى مسجات ليه نربط حياتنا بأشخاص وهميه خلف شاشه وكل مانعلمه عن هذا الشخص معلومات وهميه وهل كل من نحاكيه صادق؟ ام نعيش الوهم ونتعايش بيه حتى تأتينا المصائب من كل اتجاه فين الترابط الاسرى والحياه الاجتماعيه والزيارات الى تؤصل روابط المحبه بين الناس ليه المشاعر أصابها الفتور والملل ليه الأحاسيس أصابها التبلد والامبالاه بقيت عايشه حياتى سجينه أكونتات تقف بمجرد غلق الاكونت هل تُسمى دى حياه ؟ لاء مستحيل الحياه تبقى كدا أنا خلاص لازم أفووووق خلاص هاقفل كل المواقع وهاعيش حياتى صح هاعرف الناس على صورتهم الحقيقيه أعيش واقعهم حلوه بمره أشاركهم افراحهم واحزانهم لازم أفــــــــــــوق من حياة وهميه تتوارى خلف مجموعة ارقام وحروف بيكفى اوهام لازم صحوه من جوه قلبى وعقلى عمر الحياه ما تتبنى على أصول وهميه