[دمعه حائره]

أهلا وسهلا بأعضاء المنتدى الغاليين منتدى بنات مصروكل الموجودين فيه بتربط بينهم روح اخوة جميله بتميزة عن غير منتديات وده السبب الاساسي بتمسك الاعضاء بيه واكيد كلنا بنفتخر بوجود مجموعه مميزة فيه بيقدموا كل راقى وجميل النهاردة بيتجدد اللقاء مع عضو من زمان قدم للمنتدى الكثير من مواضيع وتصاميم ومسابقات ساهمت فى نشاط الاقسام بالاضافه لدوره الادارى المهم والمميز رحبوا معايا بأحمد ۩۩ elMagic ۩۩ أهلا بيك فى برنامج فى ضيافه اعضاء زمان هاسمح لنفسي اكون ضيفتك ولو لدقايق اعرف فيها منك بعض الذكريات عن تواجدك فى المنتدى من اول ماسجلت بس الاول هاتعزمنى على ايه؟ اهلا بيكي منونه احنا بقا الضيوف يبقى العزومه عليكوا ههههه من اولها كده يااحمد طب انا هاشوف حاجة سهله واجيب فرخة نشويها واحنا بنكلم مش فاضيه اطبخ طبعا انت مش محتاج نتعرف عليك لكن عشان الاعضاء الجداد يتعرفوا ممكن بعض المعلومات الشخصيه عنك زى الاسم والبلد ومحل الاقامة والوظيفه ؟ أحمد من سوهاج بكالوريوس تجارة دبلومة محاسبة انت مسجل فى المنتدى من سنة كام؟ من مارس 2010 م ايه سبب اختيارك للنيم بتاعك؟ الاول كان احمد بس بعد ما سجلت بأقل من سنه غيرته للماجيك ،، ومن وقتها وخلاص بقيت معروف به ، فاكر اول قسم شاركت فيه واول موضوع؟ كان طلب توقيع فلاشي هههه وقتها كانت بنت مسئولة عن الطلبات كان اسمها بوسى ولما عملت ليا الطلب معجبنيش لاقيته متكروت كنت هأشد معاها بصراحه هههه بس من وقتها حطيت البرنامج دا ف دماغي لغاية ما بقيت انا اللى متخصص ف المجالات دي ومسكت إشراف القسم ،، أيام الشقاوة قبل ما نعجز انا فاكره عملتلى توقيع زمان قبل الاشراف وعجبنى جدا يومها اكتر هوايات بتشارك بيها هنا؟ التصاميم بكل انواعها وبرمجيات المواقع اكتر موضوع ليك بتحبه وفخور انك كتبته؟ مش هتوصل للفخر وانك تعمّله وسام تتفرج عليه كل يوم يعنى انا بانسي اى موضوع باكتبه بعد ما باخلصه بفتره قصيره جدا وبشوف غيره عادى الفكره ان الموضوع بتبقى مُعجب به في وقتها خصوصاً لو بذلت فيه مجهود وبعد ما الجو بيهدي خلاص بتشوف غيره حسب ما الظروف بتسمحلك بس يمكن أعظم شئ عملته هنا لدلوقت هو ستايل بنات مصر الحالى ودا بدأت شغل فيه من ديسمبر الماضى لأول يناير والاستايل الرمضاني اللى كان مُعتمد من شهرين ،، الاستايل جميل وفيه شغل كتير وانا عموما بحب التغيير كل فتره عشان الملل تفتكر اعضاء مين من ايام زمان كانوا معاك ؟ اغلبهم خلاص اختفوا من زمان ممكن نقول نوران و حسام ودول اخوات بقا لدلوقت ع تواصل ربنا يسعدهم ف حياتهم ويكرمهم باطفالهم ،، ولسه فيه منهم مكملين؟ خلاص بعد الدراسه كل شخص بيشوف حياته واموره فاكر شكل الاستايل كان ازاى ودلوقت احسن ولازمان؟ مش قصة احسن او لاء هو كل فتره وليها ظروفها و جوها ومع الوقت بتتقدم والامكانيات بتظهر والتجديد مطلوب دايماً ايه الاقسام اللى كانت موجوده واختفت؟ وايه الجديد؟ كان زمان موجود اقسام فنيه اغانى و ريمكسات وشعبيات ودلوقت مش موجوده وكان موجود قسم مصر بينا احلى وحاليا مش موجود والخزعبلات والابداعات العاميه والملاحظات كان من الاقسام المبتكره والفضفضه كان فرع وبقى رئيسي واقسام اللغات الانجليزيه والمكتبة مش موجودين واتعمل قسم للابراج والفانتازيا دي واختفي ،، اكيد فيه تانى كتير بس دول اللى حضروا في ذهنى من بعد ما مريت بسرعه ع الرئيسية معلومات جوهريه اهي ماشاء معلومات كتير مننا ميعرفهاش وفعلا المنتدى شكلهاتغير كتير عن زمان لان كل وقت ليه متطلباته والميول اللى بتحدد نشاط الاقسام اكتر قسم كنت بتحب تشارك فيه؟ لا كنت بشارك في كل مكان عادى اقل جانب فيهم طبعا هيبقى الادبي ههههه انت كنت عملت مسابقه جميله فى الادبى اكمل القصيدة تقريبا بس عاوزينك تجرب تكتب دى هاتبقى حكاية لو كتبت قصيدة ايه اكتر مسابقه او فاعليات كان بتجمع الاعضاء؟ اى مسابقة تفاعلية بتتظبط بتجمع معظم اللى متواجدين بقن فيه فترات غيبت عن المنتدى كانت مدتها قد ايه؟ مش فاكر والله بس غالبا بتبقى مشغوليات ودا شئ وارد بيتعرض له الجميع ايه بيخليك تتمسك بوجودك فى المنتدى وترجع للمنتدى تانى؟ المنتدى بقى عامل زي البيت لكل شخص قديم ولسه موجود المفروض ان كل واحد وله انجازاته وطريقهه اللى مشي فيه ودا اللى بيخليه لسه متمسك بالمكان بس يوم ما هتقرر تسيبه اكيد هيبقى قرار هتاخده بعد تفكير طويل ،، اكيد ليك اصدقاء هنا ممكن نعرفهم؟ ناس كتيره بقدرها وبعزها وكفايه انك منهم دمعه قدمت دعوات لمعارفك يسجلوا فى المنتدى؟ اهاا زماان جيبت ناس كتيره اعرفها من قبل تواجدي بالموقع بس مكملوش ايه الاقسام اللى كنت مشرف عليها؟ الفلاشات لو طلبت منك تقدم اى فكره لتنشيط الاقسام هاتكون ايه؟ الموقع مليان اهو ماشاء الله مسابقات كتيره هاطلب منك اسم عضو او اتنين مفتقدهم تبعتلهم دعوة يرجعوا تانى للمنتدى ونعيد معاهم الذكريات لا مش هيرجعوا بقاا خلاص ليه بس يمكن يرجعوا روح نادى على الصعيدى وابن اخوة البورسعيدى نصيحة تقدمها لكل عضو فى المنتدى وخصوصا الجداد كتير من الجداد فيهم أمل انهم يعملوا شئ مميز ودي حاجه كويسه كل زمن وله اعضاءهم ودا زمنكوا عشان تلمعوا فيه ،، بشكرك على قبول الدعوة وعلى وجودك الدائم فى المنتدى ومنتحرمش من تواجدك المميز ربنا يخليكي دمعه تسلمي لمجهودك وعطاءك القيم دايما ودي لكِ وهنا تنتهى الحلقه مع احمد بشكركم على المتابعه وبشكرك احمد وبقدم ليك شهادة شكر وتقدير على تواجدك واخلاصك للمنتدى شكرا لمار على تصميم الشهادة