منذ /10-09-2016, 08:33 PM
|
#1 |
عضوية تميز
| أوعد و اخلف ؛ ))
أوعد و اخلف
عشمتنى ب الحلق
خرمت أنا ودانى
مثل عليا انطبق
خليكى سامعانى
أنا قلبى منى انسرق
وانتى اللى سرقانى
يا أجمل وأحلى ما خلق
الله وأ حشانى
/
من قلب واحد عشق
شارى وبايعانى
سايبانى ليه فى قلق
ليه بس ناسيانى
قولى لى إيه السبب
م الضحكة حارمانى
يا ام الشفايف عنب
والخد رومانى
والشعر زى الحرير
وعنيكى غزلانى
والرمش سهم جميل
صابنى فى وجدانى
والخدود مرمر طرح
تفاحة لبنانى
والفم أحمر بلح
زغلول وحيانى
/
عقلى فى جمالك سرح
غرقت لودانى
بقول ومن غير خجل
بقلبى ولسانى
كوكتيل ولا قوس قزح
من طعمه أأأأأه يانى
حاسس فى قلبى بفرح
وسعاده ماليانى
أحلف بدين النبى
ولا أنتى جابرانى
أنك ألذ طبق
من يد فكهانى
فاكهة ومن غير عطب
محتاجه أسنانى
/
الشوق فى قلبى لهب
وناره كاويانى
الصبر منى هرب
ح أجيب منين تانى
يا ام العواطف دهب
والرقة ربانى
يا ملاك عليا نزل
فى شكل إنسانى
مانجه وكلامك عسل
من ريقه ساقيانى
/
يا أحلى همس وغزل
عشش فى أركانى
لا زيه كان ولا حصل
جه مره شريانى
عطشان وريقى حطب
أروى لى وجدانى
سوق الحلاوة جبر
معرفش عنوانى
وانتى المنى والأمل
تحيينى من تانى
أحيينى من تانى
::::::::::::::::::::::::::::::: همس الكناريا |
|
| |