[همس الكناريا]

كله إلى زوال كل نفس زائفة الموت الدودة فى قلب الحجر واللى باقى من البشر اللى ماشى واللى حافى واللي نايم على شط القمر كله هيموت / الحوت وورقة التوت الفرخه والكتكوت البياع والملتاع واللى يكتب ويقول إبداع اللى انكتم واللى انعدم واللى اندبح واللى اتنبح / واللى اندفن جوا الوقيد والطرح عيد اللى اتعطب بين الصدور اللى انكتب فى السطور واللى بيدور ع الشعور القمرى والسمان والزرع بتاع زمان / جرون القمح والقيلة ولمة السكة والعيلة والفرح والهليلة النجع والحارة والصيد بالسنارة والبنات القمارة والجدعان السهارة / العيون المحرومة والأحزان المغروزة والقمرة المخنوقة كله هيموت الأوهام والأحلام السكات والكلام كله إلى زوال ومايبقى إلا وجه ربك ذى الجلال والإكرام / كل نفس ذائقة الموت ديك البرابر والكتكوت والعاشق الولهان وشهر حزيران والتوت والنبوت / الأسد المُفترس وعديم الذمة ..المُختلس صاحب الطبلة ..والزار والجزار وقاضى المحكمة .. الجبار والقصب خد الجميل وبياع المواويل ونهر النيل حتى النسيم العليل كله هيموت / والغفير ..سفروت والملطوط ويامه القمر ع الباب واللى خدع الأحباب والشيوخ ..والشباب والبرنس ..والهلفوت وام. 44 وال. . سارق الكُحل م العين وبلاد الواكواك ...والصين وابن شلتوت والقلب الاخضراوى والكتكوت / شلة الأُنس ورواد الجنس والأيام النحس والبيوت النبع الجارى والنسيم السارى والعصفور الكنارى وأبو كلام ملتوت ومنحوت وشهر توت / والبسارية .. والقرموط واللى بيضرب ..بالشلوت ظلم ..وعدوان والغلبان ..اللى اتحرم م الأمان وشجر ..الرُمان والسجان. . وعديم الإحساس والنسناس والطُرشجى والقهوجى واللى عاش فوضجى / وزير النسا وأبو شنب مبروم واللى على قفاه عاش مختوم والفتان والفنان وأبو جنيه حرام والإمام .. وشهر شعبان وأمشير والمدير والوزير حتى الرئيس وعتريس .. وفؤادة واللى لابس. . قلادة وبيادة كله ..هيموت / ونور الصباح والبنات الملاح والطير الوحواح والقلب العاشق ف الأرض البراح والعرب الأشاوس والغرب المشاكس واللى صنع السناكس كله هيمووووووت / كل كلامي هيموت حتي العنكبوت واللي طلع واللي نزل حتي الموت هيموت حتي بنات الحور والرقه والجمال والسكوت والممات هيموت كلامي وسكاتي همساتي ألواني أقلامي فرشاتي أهلي عزوتي كله هيزول بحري موجي وردي عطري أجمل مافي الكون هيموت سلامي صحابي صباحي مسائي حتي وجهي الملائكي هيموت ويهون ويزول وكله إلي زوال ::::::::::::::::::::::::::: همس الكناريا