من غيرك صعب اكون
فيكي الخير مستحملاني ف دنيا رافضاني
فيكي الخير سبتي كل الدنيا وعشتي عشاني
صاينة العشرة بحب وعشرة مالهمش تاني
قدامي بنساكي تغيبي استناكي والقاكي واحشاني
على إيدي ربيتك ع مبادئي مشيتك
واتاريكي بطبعك كده متربية من بيتك
لما اهتمامي قل واختفى
علمتيني درس في الوفا
بدل ما تردي بهجر وجفا
لقيتك بيزيد اهتمامك وكنت فاكرني قسيتك
باحترامك غلبتيني وخليتيني بجد حبيتك
حب كان حقل تجارب ل دنيا وناس وزمن
فضل عالي فضل غالي اغلى من أي تمن
إنتي اللي قدرتي تحافظي عليه
وعليا برده وانا من غيرك ابقى ايه
قد ما احاولت اهدمه وانتي تبنيه
قدمتي كل التضحيات لقلب مات تضحيات مش كفن
خليتيني اشوف الدنيا بخير خدتيني من ضياع وفتن
من غيرك صعب اكون ولو كان معايا كل الكون
انتي الطريق اللي بيوصلني لكل مكان
انتي الصديق اللي بيكملني بحب وحنان
إنتي أنا يا كل المنى ومن غيرك انا صعب اكون
شـــــــــــــــــــــــــــــــــــــــ . حـــــــــــــــــــــــــــــــــــــــــــ
|