[سهـــر]

مساء الخير اهلا وسهلا بيكم في اول حلقات انا والعسل بدايتاّ انا لاحظت ان الكل متوقع ان الضيف هيكون بنت عشان العسـل يعني فقررت اكسر التوقعات وضيفي يكون راجل منور ي morshooo بنورك يا سهر ومبروك رجوعك المنتدى ورجوع برنامجك مستعد يلا نبدأ اها اكيد الفقره الاولي من الاسئله الكل عارفك في المنتدى انك مورشو , عايزين نعرف هنا مين هو احمد ؟ احمد هو مورشو برضو ^_^ عموما احمد 32 سنه متزوج شخص عادى جدا اكيد ليه مميزات وعيوب بحب اتعامل مع الناس عموما مبحبش فيه الكسل لانى كسول جدا بحب البيت جدا مش بتاع خروج كتير عشان مبحبش الزحمه اساسا خاصه فى القاهرة حاجا كدا زى الزفت كل واحد فينا عايش لحلم معين عايز يحققه , ايه هو حلمك ؟ واتحقق ولا لسا ؟ كل مرحله كنت باخدها لوحدها يعنى مش من النوع الى اقول انا عايز مثلا حاجا صعبه بالعكس الحلم بيبدء من اوله وبكبرة مع الوقت . الزواج والبيت والسئؤليه كنت بحلم بيهم والحمد لله اتحققو فى مجال الشغل كنت حابب اكون فى مكان كويس الحمد لله ليه مكان كويس جدا وماشى فيه كويس والمجال الى شغال فيه كبير . فموضوع الاحلام بالنسبالى بعيشه واحدة واحدة مبحبش احلام انى اكون غنى او عندى عربيات وبيوت وخروجات واتفسح ويكون معايا فلوس .... الخ مش فى دماغى الجو دا بصراحه ^_^ بتخاف من ايه ؟ مممممممممممم مش عارف او مش بفكر فى حاجا كتير عشان اخاف منها بسيب الامور تمشى براحتها زى ما بيقولو ههههه لكن مبحبش اشوف حد اعرفه وعاشرته وفجاه اشوفه ع سرير المرض مثلا بحس ان هيجى يوم وكله هيكون بالشكل دا عشان كدا دائما بقول اهم حاجا ( الستر والصحه ) احمد انسان خيالي ولا واقعي ؟ واقعى لو قولتلك غمض عينك ثواني ايه اول حاجه جت في دماغك ؟ انا فى الشغل دلوقتى ههههههههههه لو غمض هيجى فى بالى رفارف وكشافات واكصدامات الفقره الثانيه من الاسئله انت شايف المعاني دي ازاي وشايف نفسك فيها ايه : الذكاء كل واحد فينا اكيد ذكى بس بيفرق ان كل واحد بيستخدم ذكائة فى ايه بالنسبالى مش عارف بصراحه اكيد فى مواضيع بحلها بجزء من الذكاء واكيد فى منها بحلها بغباء هههههههههههه الاناقه بتكون مهمه للمراة اكتر من الراجل عشان كدا تلاقى البنات بتهتم بالموضه اكتر من الشباب بالنسبالى مابهتمش بالموضه لكن الى بيعجبنى بشتريه وبعد ما بشتريه الحمد لله برميه فى الدولاب هههههههه ليه مش عارف والله لكن عموما اكيد الواحد بيهتم بلبسه دا اكيد والله ي احمد انا خناقاتي مع ماما عشان الموضوع ده بشتري الحاجه وبعد كدا بتترمي في الدولاب الرجوله بالنسبالى بتتمثل فى حاجا لما اشوف حاجا غلط اقول دى غلط مخافش دى بالنسبالى الرجوله بجانب انك تكون حمايه لاهل البيت يعنى اختك او زوجتك او والدتك تكون متاكدة انها عايشه مع حد راجل ويقدر يقف معاهم فى اى مشكله الثقافه كل شخص وليه اهتماماته بالنسبالى الثقافه مش انى اقرأ او اكتب حاجا بقلمى او انى اكتب خاطرة او شعر ممكن اكون مثقف رياضيا او فنيا او سياسيا ....... الخ الخير مستحيل يتحقق بمعنى الكلمه لكن الواحد بيسعى لكدا وبيحب يشوف الخير بين الناس والواحد لو بيقدر يعمل حاجا مع حد اكيد مش بيتاخر . الشر هو دا الى موجود هههههههههههه سواء فى الحياة او فى النت كمان بقينا ماشيين بمبدء لو انا قادر هعمل الى انا عايزة الفقره التالته حد السيف ( مسموح انك متجاوبش على سؤال واحد بس ) 1/ الجواز ولا العزوبيه ؟ الجواز عشان استقرار وبدايه حياة جديدة بعيد عن الروتين الى بنفضل عليه فى بيت اهلينا ونبدء ناخد دور الزوج والاب 2/ انا في المنتدى بقالي 7 سنين ناس راحت وناس اختفت وناس مش بتدخل وانا كنت بختفي كتير بس كل مره برجع كنت بلاقيك ايه سبب تمسكك بالمنتدى كدا ؟ امشى طيب اسهر هههههههههههه بصى انا طبيعه شغلى بتسهلى التواجد فى المنتدى فعشان كدا متواجد غير ان المنتدى فعلا الواحد شايف انه البيت التانى رغم الخلافات الى بتحصل لكن المكان حاجه والاعضاء والخلافات حاجا تانيه وانا ضد ان عضو يسيب المنتدى بسبب عضو او خلاف بيحصل . 3/ في قانون او اي حاجه في المنتدى عايزها تتغير ؟؟ بلاش عشان الناس بتزعل وتقولك دا بيعترض وخلاص مع ان الى بعترض عليه بقا يظهر حاليا وعادى جدا طالما من حد تانى غير مورشو فعموما ربنا يسهل والامور تتظبط فى المنتدى . وطول ما الناس واخداها عند مش هنوصل لحاجا هنتقبل النقد ونفتح حوار هنوصل لنتيجه 4/ دايما لما بكلمك بحس انك متفائل اوي بالبلد والي وصلتله جايب تفاؤلك ده منين ؟ شايف ايه حلو في مصر ؟ مبحبش اقول كلام الناس تقول دا حافظه وكلام اشعار عن البلد مصر بالنسبالى دوله انا محبش اطلع منها والا اسيب اهلى بسبب الفلوس تعالى شوفى الشباب واحكمى عليهم الواحد مننا عايز يشتغل بمرتب يبدء من 3000ج مع انه مش هيدى لصاحب الشغل بالمرتب دا لاننا واخدين على الانتخه وبتوع قهاوى وسجاير يااعم انزل اشتغل فى اى مكان واى مرتب وابدء مفيش حد هيفضل تحت اكيد هتكبر انا اول مرة اشتغلت كنت باخد 300ج ف الشهر كانو بيضيعو مواصلات وبيبسى وباخد فلوس من البيت عشان اكمل الشهر بس كان لازم اشتغل وامسك فى اى حاجا والحمد لله دلوقتى الامور اتغيرت معايا وعندى مكان كويس هو دا الى معيشنى ومعيش ناس معايا . مش هنكر ان الامور فى مصر زى الزفت والعيشه منيله بنيله بس احنا شعب غريب . تعالى بكره خلى صحفى او اعلامى يقول يا جماعه فى ازمه شيبسى فى البلد بكرة هتلاقى الناس طوابير على السوبر ماركت عشان الشيبسى والتاجر يخبى الى عنده والبايع يقولك ابو 5ج بقا ب 8 عشان دا عائلى ههههههه فى نفس الوقت السجاير الى اعرفه انها بقت بحاجا و 30 تقريبا وعادى يشتريها ومايقدرش يقول ليه ^_^ . عموما وبشكل عام البلد والله مش وحشه بس لو الناس تراعى ضميرها بعيد عن شغل الحكومات والانتمائات الدينيه او السياسيه . 5/ لو جتلك فرصه تقعد مع كل واحد فيهم 5 دقايق هتقول ايه ؟ - السيسي هقوله غير حكومتك بلاش تكون فى حضن الجيش كل حاجا ترميها ليهم ماينفعش رئيس دوله يطلع كل كام شهر ويقول اتبرعو ماينفعش الدولار يوصل لـ 16ج وينط 5 ج فى سنتين ماينفعش الاعلام بتاعنا يصورلنا البلد انها باريس التانيه خليهم يكلمو بصراحه ويشوفو حلول ماينفعش اهتم بالصرف والطرق وقناة السويس وارمى فلوسى فيهم مرة واحدة بالشكل دا صحيح ناس كتير بتأيدك ولو اترشحت تانى هتنجح فلازم حلووول وعلى فكرة سواء السيسى او غيرة برضو الدنيا كانت هتخرب - لاعبي فريق الزمالك بصى انا اهلاوى جدا هههههههههه بس بعد الى حصل فى اخواتنا الزملكاويه فى النهائى زعلت وبكلم بجد والله النتيجه كبيرة والاداء زباله والى مكنتش عايزة ان النهائى يكون فى القاهرة وياخدو الكاس من مصر لكن . بجد والله اتمنى الزمالك يعمل ماتش عالمى وكبير مع ان دا صعب لان الزمالك فريق فاضى افريقيا حاليا . - عمر خيرت _ ربنا يرحمه _ موتى الراجل حرام عليكى ههههههههههه دا حبيبى الغالى حاجا كدا لما بسمعله ميوزك بحس انى فى مكان تانى بجد يعنى نجم كبير بحبه جدا وبحترمه جدا وعبقرى جدا ونفسى احضرله حفله تانى . هههههههههههههههههههه وربنا فكراه ميت - كرستيانو رونالد الظاهرة وصاحب الارقام المستحيله بعيد عن جو المقارنات مع ميسى لكنه اسطورة بمعنى الكلمه حقق بطولات فرحت جدا لما حقق بطولة اوروبا مع المنتخب لانه يستهلها . الدووووووووووووووووووون ( الحب الكبير ) 6/ كل واحد فينا عنده ميزه بتميزه عن اي حد تاني . ايه الي بيميزك ؟؟ مش عارف بصراحه هههههههههههه يبقا اى حد يقولها بقا شكرا ي احمد على وقتك معايا واتمنى تكون الاسئله خفيفه حوار جميل بجد والجميل انه بعيد عن المنتدى وسعيد برجوعك وان شاء الله تستمرى ونشوفك دائما تسلم ي احمد وفي نهايه الحلقه احب اشكر ضيفي واشكر حياة وايمان طلعت تعبتكم معايا استنوني في حلقه جديدة وضيف جديد ســلام سهــــــــــر