[همس الكناريا]

صــح النـــوم مش ناقصينك والله يا سيدنا لو راح تدن شوفلك مدنه وأبعد عنا وخدلك هُدنه كتر خيرك فى اللى عملته ضرب وقتل وآل بسملته حتى تاريخ الاهل مسحته حتى مكان الطهر مسخته حتى كلام الروح كفرته / أصل الأرض دى كانت جنة قبل ماتبقى الهجرة لبرة قبل ماتبقى فلوسك حرة دأنت ياصاحبى كنت فى جرة رابط جحشك جنب البقرة لكن الوقتى طلعت بهبرة بعت الناس والأرض الطاهرة / حتى مداسك فيه مزيكا تاكل شيبسى وماكسى وايكا ورغم العز مازلت ياويكا كل كلامك فى الشيكا بيكا كل مقالبك من أمريكا حتى سلامك فى البولوتيكا / أما المش أبو دوده خلاص كسر الجرة وبقى وسواس عدى الفقر وجاب كراس يكتب فيها تاريخ أجناس نسى فى الزحمه حلال وحرام كل كلامه أزاى وبكام واما تحاسبه تلاقى ملام / عيدوا تاريخنا يا أهل الفرحة قبل النخوه ماتصبح سمجة قبل الأبرة ماتصبح سنجة شموا الريحة دى صبحت فجة / كانوا مابينا وقلبوا فرنجة نسيوا الأصل وأكل المش شفطوا المصل وحبوا الغش بعد ما كان مراتبهم قش عرفوا طريق الروف والدش نصبوا علينا ونهبوا فلوسنا من عمايلهم توهنا ولوصنا خلو بلدنا تهش تنش / وشوش رتوش شكل كلامك ع المحروس !!!!! بان واتعرى بعد ما فرق بينا وباعنا و عمره ما فكر يوم يسمعنا الجرح وجعنا صرخنا وقولنا ،،،، عمل من بنها فكان الحل ملوش حالة تانية رفعنا الجزمة وقولنا ف داهية لسه هنسمع في حجج واهية ولسه بتدفع تمن العملة السودا عيالنا :::::::::::::::::::::::::::::::: همس الكناريا