[همس الكناريا]

كــارت أحمــر كارت أحمر للي خاين واللي بايع للضمير واللي سامع للنفير واللي مصدق للحمير والحصاوي أبو ضفاير من صغير حتي الكبير / كارت أحمر للي وطي واللي غطي ع الفساد واللي شايل يوم سعير المطاطي والمرازي والملقن واللي دافع واللي شارك بدون ضمير / مين حداشر راح حداشر كل يوم بيموت شهيد واللي غطي ع السؤال جوه قلبي فيه شيطان ساكن جواري وف الحواري / كارت أحمر للي نازل واللي شاور واللي عاتب بالسؤال مش هننزل ومش هشارك لكن هارفع الرايات أقوم أشارك وامد إيدي واعمر في أرضي م البيات / كارت أحمر للئيم والمنافق والمتاجر بالضمير عجلة عاوزه تسير شدي حيلك يابلد حطي إيدك ف إيد ولادك يشدوا عزمك وف ميلادك فصول الرواية تغني الحمامة والبلابل وكل ولادك بيقلولك... قومي وفزي أنتي الإمامة والعمامة للأمم / صانعة التاريخ والحضارة مش كتير تقومي وتتقدمي الأمم مشوار طويل ومشيتيه ولساكي باقية للنعم حافظك المولي في سماه وذاكرك في الكتاب وانتي صاينة للأمانة وانتي حاملة للرسالة معروف إنك الكبيرة في وسط كل الدول الحرب باقية لامحالة ضد الإرهاب والجهالة / وفي النهاية كارت أحمر للخيانة وانتي قادرة لامحالة تاخدي حقي وحق أخويا اللي دافع عن أرضه ببسالة وواجه الإرهاب مخافش ومات ونطق الشهادة وخد رملك في حضنه لما حس بالخيانة كارت أحمر للخسة والندالة :::::::::::::::::::::::::::: همس الكناريا