وعد الحر دين
ما اندمش على ماضي عدى
ما بقولش انا عايش فين
الحق اللي م يتجابش النهارده
مصيره يتجاب بعدين
مش بعاتب وف نصيبي برضى
ولا دمعة تبكي العين
قلبي تلميذ الحزن والوحدة
عاش واتربى ع الاتنين
اغلب أي جرح ولكل هم بتصدى
جبل واقف بين نارين
ف بسمتي بكيد كل اللي يحاول يتعدى
يحتار يجرحني ازاي ومنين
مرجعش ف كلامي ولو قدامي نار وئايدة
انا الحر ووعد الحر دين
بعيش حياتي والخوف بره حساباتي
الناس بتشكي من أوجاعها بكلام
وانا طول عمري بسمتي بتحكي معاناتي
وشوف قد إيه ببتسم وحاجات جوايا بتنقسم
ولا مرة غابت بسمتي ولا مرة حد سمع اهاتي
احترت فيا ما فهمتنيش ازاي كده قادر اعيش
ما يهمنيش ولسه هعيش بالحب مكملك يا حياتي
شــــــــــــــــــــــــــــــــــــــــــ . حــــــــــــــــــــــــــــــــــــــــــ
|