[حـيـــــآة ❤]

السلام عليكم ورحمة الله وبركاته مـع اول ضيف اسطحبه معـي في المتـاهه.. كما اخبرتكم الاسئله اللي هنسالها علي الضيف صريحه حبه فقط نبدأ مـع ضيفنـا.. اللي منورنا جدا طبعا وتعالوا نشوف عمل ايه وهيقدر يعدي المتاهه ولا لأ ŅĢM جـَـار الـقمـَر المرحلة الآولـي: "اسئله شخصيه" 1/- بطاقه تعزيفيه عنك تتضمن: اسمك الحقيقي وسنك ووظيفتك ووزنك وطولك؟ الإسم : محمد العمر : 24 سنه الوظيفه :شغال برمجيات ف شركة بتروجيت ع برنامج اسمه sap الوزن : 62 قريبا الطول :180 تقريبا بقولك ارفعلك صوره وخلاص (نشوف الجمهور لو عايز ارفع) 2/ هل ستتزوج الفتاه التي تحبها او ستحبها يوماً ما؟ كنت بس حصل ظروف 3/علاقتك مع ربك.. كم %تديها؟ والله دى بالذات مقدرش احكم فيها ع نفسى بعدين كل ابن أدم خطائين وخير الخطائين التوابين . (ونعم بالله ^^) 4/لو اصبحت رئيس مصر.. ايه اول حاجه هتعملها بصراحه؟ الناس الغلابه بجد الناس دى انا بشوفلها فيديوهات ع اليوتيوب تقطع القلب اقسم بالله حرام بجد نفسى الناس دى حالها يتحسن ولو بنسبه بسيطه وأنتى شوفتى الحادث ال حصل من فتره عندنا ف اسكندريه الراجل ال ولع ف نفسه عشان مش لاقى يصرف ع بيته أى نعم ف حاجات اكبر من كدا بكتير ف البلد لازم الواحد يبص ليها بس بردو ده مهما كان بنى ادم لازم نبص ليه بعين الرحمه . (طبعا محمد مش اول حادث كمان ..خلاص هنتخبك ) دلوقتي نجم عدي معانا اول مرحله.. الاسئله الشخصيه وتعالوا نشوف وصل لفين ربنا يعينك وتكملها المرحـلـة الثـانية : عـن المنتدي 5/المنتدي شهد تكرييمات وترقيات كتيره الفتره دي.. شايف انك اخدت حقك؟ لا دى مش بيتبص ليها كدا ممكن المدير يكون شايف حد احسن منى ومناسب للمكان ال هوا هيمسك فيه بعدين ( ارضى بما كتاب الله لك ) . شايف مين كان مفروض يتكرم او يترقي ومحصلش.. وشايف مين اتكرم او اترقي وهو لايستحق؟ هو في حد مش اترقي الا انا حاسس اننا اللي عضو بس هههههههههههههه (مالدنيا ماشيه معاك وانت اورنج اهو) 6/تعال نتخيل ان نجم اداري ŅĢM /لو اصبحت مدير المنتدي هتعمل ايه؟ وايه التغييرات اللي هتعملها؟ حاجات جديده كتير بس لازم ناس تساعد ورايا ويكون ليها رد فعل - التغيرات لازم يكون ف مدير معايا ف المنتدى يكون ليه نفس الصلاحيات بتاعى واكون واثق فيه جدا بحيث انا مش موجود هوا يسد مكانى اهتم بالاقسام ال مش بيدخلها حد خالص اعمل اى حاجة عشان انشط المنتدى اقدم جوايز مجزيه تشجع الناس ع الشغل ف المنتدى وعجبى . (بس دا بيحصل فعلا.. ) 7/بنات مصر لو طلبوا منك اسم تاتي المنتدي هتختار يكون ايه؟ لا ده هوا كدا اسمه حلو ده بيجذب الناس ليه وخصوصا الشباب (ههههه ياشيخ) 8/راضي عن رتبتك بالمنتدي؟ الحمدلله ع كل حال (القناعه حلوه برده ) 9/عضو تريد ان توجه له رساله او نصيحه؟ مش مختلط هنا بحد الصراحه عشان انصحه والحمدلله يانجم عديت معانا بسلام من المرحله الثانيه تعالوا نشوف محمد وصل لفين الله يعينك وتكمل المرحـلة الثالثه :متـاهه جوا قلبـك 10/كم مره اقنعت فتاه بحبك رغم عدم وجود اي مشاعر تجاهها؟ ع اساس يعنى انك بتعملى حوار مع توم كروز دة مثلا مفيش الكلام دة معايا طبعا لانى قبل ما العب بمشاعر بنت بفكر مليون مره ف اخواتى ( كما تُدِين تُدَان ) (مفيش منك كتير ^^) 11/ حلفت قبل كدا كذب؟ يجى مرتين تلاته بس عشان اصالح اتنين ع بعض . الكدب اخرته وحشه تخيلى لو ال انا بكدب عليه دة عرف الحقيقه فيما بعد شكلى هيبقى ايه مستحيل المستحيل ان يصدقك ف حاجة تانى دة لو اتكلم معايا تانى بعد كدبى اصلا بعدين الكداب بيروح النار هع (والله؟ ) 12/حكاية حب وفشلت.. الجمله دي بتعبر عن مرحله ف حياتك؟ كيد طبعا واحد ف سنى دة لازم يكون مر بمرحله حب وف نفس الوقت فشلت (ربنا يرزقك بالافضل) 13/ هل تؤمن بوجود الحسد؟ الله هوا موجود ده حتى بيقولك العين فلقت الحجر بس انا مش من النوع المؤيد ان فيه الكلام ( قل لن يصيبنا الا ما كتب الله لنا ) (ولا انا والله) 14/موقف.. لو كان مسلل بتحبه اوي شغال ومش هيتعرض الا الوقت دا وهيفوتك وقت الصلاه وحبيبتك بتتصل وستغضب ان لم ترد؟ ويجب عليك الاستجابه لامر واحد من هؤلاء رتبهم حسب الاولويه؟ هبسطهالك المسلسل ننزله من ع النت محلوله يعنى هع حبيبتى مفيش اصلا الصلاه فيش حد هيتحاسب عليها بدالى (عندك حق طبعا ^^ هتنقطني شكلك ) 15/كتاب حياتي ياعين! بسم الله الرحمن الرحيم الاجابه حسن الاسمر قولنا علي ابرز عناوين كتابك*حياتك*؟ ب الفقراء ، العشق للأم ، الفراق ، غضب انسان طبعا انا لو أطلع انقلك من الاجنده بتاعتى لكل عنوان ف دول ان شاء الله نخلص السنه الجايه . هههه ماشي اخي محمد ودلوقتي قدرت تعدي ثلاث اربع المسافة للوصول.. تعالوا وشوفوا محمد بقي فين المرحلـة الرابعه والاخيره:همـسه ف ودني 16/كم ترتيب حواء بالنسبه لاهتماماتك؟ الاولى طبعا ( الأم ) لحسن حد يفهمنى غلط هااا (لا متقلقش فاهمينك غلط) 17/خنت قلب قبل كدا؟ لاعمرى ولا هفكر ف انى اخون حد اصلا تعرفى كدا عن الاسكندرانيه (جميل.. اه اعرف صوابعك مش زي بعضها ^^) 18/نجم.. شخصيته بتتعبه..؟ مش ف كل الحالات لما اكون عصبى معرفش امسك نفسى حتى الكلام ال بيخرج منى مش ببقى عارف انا بقول ايه لدرجه انى لما اهدى وحد يحكى قدامى ال حصل اقوله انا بئا انا يطلع منى كل دة . (كلنا كدا والله) 19/كانت حبيبتك من بنات مصر؟ عادى يعنى ما فيه ناس اتعرفت ع بعض هنا وبسم الله مشاء الله العلاقه تمت ع خير واتجوزو ا وربنا يفرحهم دايما ى رب . (تهرب واضح من الاجابه ) واخيرا 20/اي هذه الاسئله كذبت في اجابتها؟ مفيش ان شاء الله بعدين دنا مصدقت وصلت للأخر عاوزانى اطلع فوق من الاول حرام عليكى حتى . (حرمت عليك عضويتك ياشيخ ) شكرا ع الأسئله الجميله ى حياه وحلقه جميله منك ان شاء الله تعجب الناس خالص احترامى للجميع تعالوا نشوف نجم بعد كل الاسئله دي وصل لفين في متاهتنا مبروك خروجك بسلام يامحمد ونقولك حمدالله ع السلامه.. اجاباتك واضح انها صريحه وعقلانيه نورتيني بجد اتمني تكونوا اسمتعتوا في رحلة نجم النهارده اشوفكم باذن الله مع عضو تاني ف متاهه الفضفصه [/SIZE]