الموضوع: حصان حلاوة
عرض مشاركة واحدة
قديم منذ /11-04-2016, 06:48 PM   #1

د/ عبد الله

مشرف الابداعات الادبية سابقا

 

 رقم العضوية : 100114
 تاريخ التسجيل : Nov 2015
 الجنس : ~ رجل
 المكان : مصر/السعودية
 المشاركات : 10,820
 الحكمة المفضلة : إن لم تستح ِ فاصنع ما شئت
 النقاط : د/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond reputeد/ عبد الله has a reputation beyond repute
 درجة التقييم : 7543568
 قوة التقييم : 3772

د/ عبد الله غير متواجد حالياً

 

 

 

 

 

أوسمة العضو

وسام الابداع مميزى القسم وسام مسابقة شاعر العامية 2016 المركز الثانى وسام مسابقة فارس الكلمة مركز أول وسام تكريم اصحاب المواضيع المميزه بالاقسام الادبيه وسام مسابقة قصص رمضانية مركز أول تكريم  قسم الخواطر والشعر مسابقة  كان  زمان مميز  قسم الابداعات مسابقه  كفاح  ام  المركز  الاول 

افتراضي حصان حلاوة

لما كنا صغيرين...
كان الحصان رمز الفوارس
حصان حلاوة بنشتريه وقت الموالد
والكل واقف وحارس
اللي يفضل للنهاية ده يبقى جامد
الكل بيزين حصانه
خايف عليه من كل واحد
بس الحقيقة المعلنة
ان الحصان هيجيله وقت ويتكسر
لكن محدش مننا
عنده الجراءة يفتكر

وبلدنا برضو حصان حلاوة
فيها كتروا الفوارس
بيبالغوا جدا ف الغلاوة
والكل شاهد وحاسس

كل واحد ليه حصانه
همه يفضل هو بس
لما يفضل للنهاية
يبقى فارس قوم عبس
والمهمة هتبتدي بفرض الإتاوة

حصان حلاوة بيشتري كل المزايا
واللي شاطر ينتهـي لخط النهاية
والنهاية بتبتدي فوق الضحية
قصدي أقول يعني الضحايا

فارسنا مش هازم أعادي
أو شق نيل يروي الأراضي
ده بس إنجازه الوحيد
إنه كتّف ف الأيادي
إنه كسّر ف الحصان المنافس
وزاد حصانه ف الغلاوة.

واللي حصانه بيتكسر
بيجري ويستخبى
بياكل ف الحصان حبة حبة
ويقول خلاص أهي بايظة بايظة
لازم اكل م الحلاوة.

مقصدتش بكلامي أشخاص معينين
لكن الكلام عام









التعديل الأخير تم بواسطة د/ عبد الله ; 11-05-2016 الساعة 02:49 AM
  رد مع اقتباس